KUNG ang pagbabasehan ay ang gender classification ng National Statistics Office (NSO), si Jeffrey Laude ay isang lalaki at hindi babae.
Sa tarpaulin na ibinandila ng pamilya Laude tanda ng kanyang pagpanaw kamakailan, maliwanag na isinulat nila na ang kanilang ipinagbuburol ay isang Jeffrey.
Si Jeffrey o si Jennifer na kanyang adopted o assumed name ay isang transgender na ngayon, ayon sa samahang Gabriela at ng Ladlad partylist.
Wala tayong tutol diyan ngunit ayon sa NSO classification, dalawa lang ang gender ng isang nilalang, either ikaw ay lalaki o babae.
Hindi ko alam kung may decision na ang Supreme Court tungkol sa sex o gender classification, kung ligal ba na may third sex, o fourth or fifth sex.
Ang bakla ba ay kasama sa third sex?
Paano naman ang tomboy: Fourth sex ba sila?
May mga taong dalawa ang kanilang sex organ, ang isa ay babae at isa ay lalaki. Fifth sex ba sila.
Nakalilito, hindi po ba?
Mayroon pang mga silahis at may roon namang kung tawagin ay AC/DC.
May mga lalaki naman na nagpagawa ng boobs pero ang genital organ ay original pa rin.
Sa kaso naman ng mga tomboy, parang wala pa akong nababalitaan sa Pinas na babaeng nagpatanggal ng boobs at nagpakabit ng male organ sa pamamagitan ng operasyon.
Mayroon namang kung tawagin ay mga transvestite o mga taong nagsusuot ng damit ng opposite sex dahil sa feeling nila ay ‘yun ang tamang gender sa kanila.
Ang transgender at transvestite ay isang malaking usapang ligal na ang Korte Suprema lamang ang maaaring magbigay ng solusyon. DEEP FRIED/RAUL VALINO
