SA ika-15 ng Pebrero, 2015 gaganapin ang ikalawang “Nationwide Simultaneous Run” ng PhilHealth sa 13 rehiyon sa buong bansa. Ang “PHILHEALTH: READY, TseKap Go!” ay bukas sa lahat ng Pilipino at maging sa mga dayuhan na may magandang kondisyon ng pangangatawan. Maaari silang magparehistro sa kahit anong kategorya, tulad ng, 3K, 5K, 10K, o 20K.
Ang mga mananakbo ay maaaring mag-download ng registration forms mula sa run2015.philhealth.gov.ph, isumite ang forms at magbayad ng registration fee’s sa Philhealth regional at local health insurance offices ng kanilang nais na run-site.
‘Yung mga may nais na sumali sa Quezon City at Iloilo City editions ay maaaring magrehistro online sa run2015.philhealth.gov.ph.
Ayon kay PhilHealth President at CEO Alexander A. Padilla, “ang PhilHealth Run 2015 ay magiging lugar ng PhilHealth upang ipakita ang pagiging bukas bilang isang organisasyon na nagbibigay ng kabutihan at nagbibigay din ng pagkakataon na iambag ang kung ano ang mayroon siya para sa ikabubuti ng iba.” Dagdag pa niya, “dahil ang PhilHealth ay magdiriwang ng 20th anibersaryo sa Pebrero, nais namin ipahayag ang Universal Health Care (UHC) ay hindi na isang panaginip lamang, bagkus ito’y isa ng katotohanan sa lahat ng Pilipino.”
Noong Pebrero 2013, nag-organisa ang PhilHealth ng unang beses ng pagtakbo ng sabay-abay sa buong bansa na sinalihan ng 90,000 professional at amateur runners sa buong Pilipinas. “Sa pagkakataong ito, inaasahan naming ang pagdalo ng may halos 60,000 runners mula sa 13 lugar sa buong bansa,” ayon pa sa PhilHealth Chief.
Ang makukuha mula sa registration fee’s at sponsorships ay magbibigay benipisyo sa halos labintatlong lokal na institusyon pangunahin na mabibigyan nito ang mahinang sektor ng ating lipunan.
Ang mga UHC advocates at interasadong mananakbo ay maaaring mag log-on sa run2015.philhealth.gov.ph para sa iba pang mga detalye. ANG INYONG LINGKOD/DR. HILDA ONG