KALIWA’T KANAN na ang nangyayaring nakawan ng mga produkto ng petrolyo na kung tawagin ito’y ‘paihi’ na kalimitang bago ideliber ng mga oil tanker driver ang mga gasolina sa kanilang destinasyon ay idinaraan muna ng mga ito sa mga paihi operator sa Bataan.
Lantaran at untouchable ang ‘pahi’ ni Ben Abucay at Imelda sa Bgy. Mandama Litong, Hermosa.
Hindi hinuhuli ng mga awtoridad ang mga ninanakaw na gasolina kahit na abot tanaw lang ng mga pulis ang operasyon ng paihi.
Ang oil pilferage ay malaki ang nagiging epekto nito sa pagtaas ng gasolina sa merkado dahil ang nininakaw na produkto na ibinebenta ay walang buwis.
Ang modus operandi ng ‘paihi’ ni Ben Abucay at Imelda ay bago ideliber ng mga oil tanker driver ang mga produktong petrolyo sa destinasyon ay idinaraan na muna nila ito sa dalawa para bawasan ang laman ng tanker.
Kalimitan ang oil pilferage ay ginagawa kada magdedeliber ng mga petrolyo ang mga oil tanker galing sa mga Oil Refinery Station sa Bataan.
Ang pinagtatakhan ko lang rito ay kung bakit hindi hinuhuli ng kapulisan ang nakawan sa nasabing lalawigan.
Abangan….
MAGKAIBIGAN KAHIT KAILAN SA STL
Namamayagpag pa rin daw ang bookies ng Small Town Lottery (STL) ni Jerry Acebo sa bayan ng Ibaan ng lalawigan ng Batangas.
Hindi ko lang alam kung gaano katotoo na matalik na magkaibigan sina Jerry Acebo at Ibaan Mayor Juan Toreja.
Kaya siguro hindi ito magalaw-galaw ng mga awtoridad dahil sa natatakot silang banggain si Acebo.
Kung totoo man na matalik na magkaibigan ang dalawng ito, hindi naman yata pupwede na si Acebo lang ang kikita.
E paano si mayor?
Magkano?
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
