SA pang-apat na paglalathala natin ng pananamantala ng JAMC Marketing (accredited distributor, Nestle Philippines) sa mga maliliit na nagtatrabaho rito ay isang dati ring empleyado ng kumpanya ang nag-text at inilahad niya ang ginagawang panlalamang ng nasabing kumpanya sa mga nasabing empleyado.
Basahin natin ang text.
Good afternoon. Isa ako sa naging empleyado ng JAMC Marketing.
Makikisimpatiya ako roon sa may puso na nagtext sa inyo. Saludo ako kung sinoman siya!
Sir Juan, ang taong nagpadala s’yo ng reklamo ay totoo ang akusa niya sa pinanggalingan kong kumpanya. Tama lang ang ginawa niya!
Nais ko ring idagdag sa mga reklamo ang kawalan ng nakukuhang separation pay ang isang empleyadong nagresign at ngunit regular naman.
For almost 9 years akong empleyado sa hinayupak na kompanyang ito, pambili lang ng candy ang nakuha ko.
Babanggitin ko na kung sino-sino ang mga hinayupak na mga walanghiyang ito: sina Apolonia o Ma’am Apple, palibhasa kapatid ng general manager na si Jane Caro. Akala mo kung sino na siya (e balitang nakadispalko raw siya ng salapi sa Balayan); Deo alyas Pong Pagong at ang sipsip na oklab na si Montalbo Carlo.
Puro mga walang puso sila.
VK NG PULIS PS-10 ‘DI PA RIN MATINAG
Sa Pandacan at Sta. Ana, Maynila naman ay namamayagpag pa rin ang mga inilatag na video-karera ni PO1 Dennise Ramos ng MPD-PS-10.
Bukod sa‘VK Cop King’ ng Pandacan at Sta. Ana ay tinagurian din si PO1 Ramos na ‘Tong-Collector King’ ng Presinto-10.
Wala pa ring tigil ang operasyon ng mga makina (vk) ni PO1 Ramos sa sakop ng Presinto 10.
Palibhasa ay bagyo rin si PO1 Ramos sa bagong umupong hepe nito.
o0o
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
