LAGANAP at lantaran daw ang bentahan ng shabu sa Dalandanan, Valenzuela City at hindi raw hinuhuli ng mga kapulisan ang mga tulak at user ng tobats dito.
Basahin natin ang reklamo ng concerned citizen sa kanyang text message.
Magandang hapon, Sir Johnny Magalona. Dito sa Dalandanan, Valenzuela City, mula sa N. Domingo hanggang Dulap ay talamak na as in talamak talaga ang bentahan ng shabu rito.
Ang mga kilalang tulak ng tobats (shabu) ay sina Bobeng, Aivan, Tony Ulo, Bagyo, Betong at ang pinaka-reyna nila ay si alyas Mayang ang pangalan. Kahit mga bata ay kilala sila ng mga ito.
Nagtataka lang kami kung bakit hindi hinuhuli ng mga Valenzuela pulis ang mga tulak ng ‘tobats’ dito. Baka may patong ang mga pulis dito.
Ang CIDG Langaray naman ay ginagawang ‘gatasan’ ito. Nag-aalala kami na baka dumating ang panahon na maging adik na ang lahat ng kabataan dito. Tulungan ninyo kami.
o0o
O, S/Supt.Roderick Armamento, kayo ang chief-of-police ng Valenzuela, alam n’yo ba na talamak na ang bentahan ng droga sa area n’yo?
Aba, kernel, huwag ninyong sabihin na kaya hindi ninyo hinuhuli ang mga tulak ng tobats d’yan ay ‘tongpats’kayo!
Mahiya naman kayo, tang na ninyo. He..he..he..he.
HENERAL, GIBAIN MO ANG BOOKIES NI ACEBO
Sa kabila ng bago na ang regional director ng Region 4-A ay namamayagpag pa rin ang bookies ng Small Town Lottery (STL) ni Jerry Acebo sa Ibaan, Batangas.
Halos mahigit sa tatlong dekada na nagpapa-bookies si Acebo pero ni isang regional director ay walang nangahas na humuli sa ‘Bookies Empire’ ni Acebo.
Natatakot din bang banggain ni R-4A RD Gen. Richard Albano ang tarantadong operator na ito.
Tingnan natin kung kayang wasakin ni heneral ang ‘emperor’ ni Acebo.
o0o
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JOHNNY MAGALONA
