PUMUNTA naman tayo mga pare ko, sa Region-1 sa teritoryo ni regional director Gen. Roman Felix, at silipin natin ang sandamukal na mga iligal na pasugalan sa rehiyon na na ito kung saan ay ginagawang “gatasan” ito ng mga kapulisan dito.
Unahin na natin ang Pangasinan kung saan ang provincial director dito’y si Supt. Reynaldo Biay.
Sa Bgy. Samon, Ibasan, Pangasinan ay mabubungaran natin ang ‘untouchable’ na puwesto piho na drop ball ni alyas Mang Tony.
Ang matindi kahit abot tanaw lang ng mga chief-of-police ng Ibasan at Malasiqui ang pasugalan ni Tony ay parang wala silang nakikita.
Hindi ko lang alam kung bulag o nagbubulag-bulagan lang ang mga hepe ng mga pulis dito kaya hindi sila gumagalaw kahit nakikita na nila.
He..he..he.
Sa San Quitin, Pangasinan naman, ang may-ari ng puwesto piho na drop ball diyan ay itong sina Princes at Michael Mandapat.
Malakasan din ang puwesto piho na peryahan sa Bgy. Villanueva na ang may-ari ay itong si Aling Emy.
Sa Sual, Pangasinan naman, ang may pasugalan na puwesto piho ay itong si Rading at sa Labrador, Pangasinan naman ay si alyas Joel.
Sa lalawigan naman ng La Union, walang tatalo sa puwesto piho ni alyas Budha dahil ito’y nasa likuran lang ng Philippine National Police Station at ng munisipyo.
Kung hindi kina regional director o provincial director, kanino napupunta ang perang kinokolekta sa mga pasugalan sa Region-1 ni alyas Bong para kay PD at alyas Jun at Judy para kay RD?
PASUGALAN SA LAGUNA AT CAVITE
Hindi matinag sa kabila ng inerereklamo na ang puwesto piho na pergalan ni alyas Jiji sa Bgy. Puting Kahoy, Silang, Cavite.
Cavite Provincial Director Supt. Jhonel Estomo, sampulan mo nga ‘yang pergalan ni Jiji.
Maging itong peryahan na front na pasugalan ni Mely sa Bgy. San Antonio, Los Baños, Laguna ay untouchable.
Magkano?
o0o
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
