TUPADAHAN sa Bayanihan St., Area A, Bgy. Batasan Hills, Quezon City. Ito ang text message sa atin ng isang dismayadong concerned citizen ng QC.
Basahin natin ang nilalaman ng text messages:
Gud pm, Sir Johnny, baka pwede nating pasadahan sa inyong kolum itong tupadahan sa Bayanihan St., Area A, Bgy. Batasan Hills, Quezon City kasi madalas na may away.
Hawak ng pulis at isang purok leader na laging may sukbit na baril sa baywang na maghapon na palakad-lakad sa tupadahan.
Ang pangalan ng purok lader ay si Mangaser at ang pulis na nagpoproteksyon sa kanya ay itong si ret. pulis SPO4 Parahinog.
Ang purok leader na si Mangaser ang tagabigay ng timbre sa mga pulis na dumarating na taga-Station 6 Batasan.
Sana ay mahuli ang iligal na sabungan na ito dahil masamang impluwensya ito sa mga kabataan at sa mga taga-rito.
Halos araw-araw ay nagpapatupad ang mga mag-among ito.
Sana umaksyon si QCPD Director Gen. Joel Pagdilao, sa reklamo namin!
CALAMBA, LAGUNA PINAMUMUGARAN NG VK
Namumutiktk na naman sa buong baryo ng Calamba, Laguna ang mga video-karera (vk) na minamantine ng mga pulis sa bayan na ito.
Ano ang masasabi ni Calamba Mayor Timmy Chipeco sa nagkalat na naman na mga vk sa Calamba?
Huwag naman niyang sabihin na hindi n’ya ito alam?
Kung totoo man na hindi alam ito ni mayor na nagkalat sa bayan niya ang mga vk, Abay, Mayor Chipeco, magtanim na lang kayo ng kamote!!!
Baka pakinabangan pa kayo ng mga Calambenyo?
Biruin n’yo, halos abot-tanaw mula sa munisipyo ang sandamukal na VK ni hindi ninyo man lang nakikita.
Bakit, bakit, bakit mayor?
***
Anomang reklamo puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
