HINDI na umaasa si Vice President Jejomar “Jojo” Binay na babasbasan siya ni President Benigno Simeon Aquino III sa 2016 elections.
Naalala kasi ni Binay na sa kabila ng tandem nina Noynoy Aquino at Mar Roxas (Noy-Mar), umalingawngaw pa rin ang Noy-Bi na tambalan (Noy at Binay) na isinulong ng Aquino sisters at friends of Noynoy.
Tuloy pa rin kaya ang samahang Noy-Bi kahit na may ilang lider ng Liberal Party ang nagsusulong na gawing official standard bearer sa darating na eleksyon si Sec. Mar Roxas?
“Secret,” sinabi ni Binay sabay ngiti.
Ang official standard bearer noon ni Pangulong Cory Aquino ay si Speaker Ramon Mitra pero ang tunay palang manok ni Cory ay si Sec. Fidel Ramos na nagwagi sa pagka-presidente.
Ganoon din kaya ang gawin ni Noynoy sa kaso ni Mar? Secret, sabi ng iba, dahil kahit panay ang puri ni Noy kay Mar, wala pa rin ang basbas na hinahangad ng mga Liberal.
May mga meeting din si Senadora Grace Poe sa Malakanyang at kasama pa si Mar sa mga pulong sa palasyo.
Ano kaya ang niluluto nila? Secret, sabi ng iba.
Okay lang kay Binay kung walang opisyal na basbas.
What are friends for, ang sabi nga, kaya sinabi na agad ni Binay na kung siya ang magiging presidente ay hindi niya kakasuhan si Noynoy na akusado rin naman ng ilang sector sa salang paglabag sa ating Constitution.
Diyan nakasalalay ang samahang Noynoy at Binay, tunay na kabigan ng pamilyang Aquino, tulad ng samahan ni Noynoy at Alan Purisima, pulis four-star general on leave.
Ngunit mapagtanggol kaya ni Binay si Noynoy ‘pag wala na siya sa puwesto?
Paano ipagtatanggol si Binay samantalang ang paglitis kay Noynoy, kung sakali man, ay nasa kamay na ng husgado at hindi sa kamay ng Palasyo?
May isa pang tanong.
Sino naman ang papayag na vice president ni Jojo?
Walang iba kundi ang pangulo ng Pag-Ibig na appointed ni Jojo, bulong ng isa. DEEP FRIED/RAUL VALINO
