GUMAWI tayo sa Northern Samar Province partikular sa bayan ng Catarman, Samar at ating silipin ang lantarang operasyon ng bookies ng Small Town Lottery sa probinsiya.
Biruin n’yo, parang ligal na ligal ang iligal na bookies ng STL dito ni Boy Daza at hindi man lang siya hinuhuli ng kapulisan. Maging ang alkalde rito ay parang walang nakikita.
Halos buong barangay o nayon sa Catarman, Samar ay kontrolado na ng pa-bookies ni Boy Daza.
Ewan ko ba kung bakit hindi kumikilos si Catarman Mayor Francisco Rosales sa pamamayagpag ng pa-bookies ni Daza sa nasasakupan nito.
Hindi ko sinasabing may tongpats si mayor sa bookies ni Boy Daza. Ang pinagtatakhan ko lang ay bakit tila bine-baby niya ang bookies nito?
Maging si Catarman, Samar chief-of-police S/Supt. Reynaldo Cabahog ay walang ginagawang aksyon para mapatigil ang bookies ng STL ni Daza.
SUGAL SA LEMERY, SI MAYOR ANG IPINO-FRONT
Mukhang tinatawanan lang ni Aling Tita ang mga kapulisan at ang alkalde sa kabila ng lantaran ang puwesto piho na color game nito sa palengke ng Lemery sa lalawigan ng Batangas.
Marami nang kabataan at magulang ang nalululong sa pagsusugal sa color game ni Tita at ni hindi man lamang nito binibigyan ng kahihiyan si Mayor Chariz Alilio.
Bagkus ay ipinagmamalaki pa na kumare niya ito.
Maging ang hepe ng kapulisan ng Lemery na si Capt. Chris Olazo ay ipinagmamalaki rin niya.
PAIHI NI KAP SA BATAAN, ‘DI MATINAG
Samantala sa Bgy. Culis, Hermosa, Bataan ay tuloy pa rin ang operasyon ng paihi ni Kap. Blade at ni hindi man lang hinuhuli ng kapulisan ng Hermosa.
Hindi raw siya natatakot kahit si DILG Sec. Mar Roxas pa ang bumangga sa kanya.
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com JUAN DE SABOG/JOHNNY MAGALONA
