GULO sa loob ng Iglesia ni Cristo (INC) ang balitang kumalat kamakailan.
Kung totoo man ito o hindi ay bigyan natin ng daan na mailathala sa espasyong ito ang in-email sa atin ng isang nagpapakilalang kasapi raw ng INC na si Alma Alejo.
Totoo man o hindi ang naging pahayag ni Alma Alejo sa in-email niya sa atin, para sa patas na pamamahayag ay ilalathala natin.
Eto ang nilalaman ng panawagan ni Alma Alejo:
Humihingi po kami sa inyo ng tulong na maisabalita ang nagaganap sa may Tandang Sora ngayon kung saan nakatira ang pamilya ng kapatid na Eraño G. Manalo na biktima ng panghaharas ng mga mataas na opisyal ng INC sa pamumuno ni Jun Santos!
Sana po, katukin ng Diyos ang inyong puso na matulungan din ang mga dinukot at mga nawawala pa naming 10 ministro ng Iglesia Ni Cristo.
Marami pong salamat,
BAGYO KAY PD, KAYA SUGALAN ‘DI MABUWAG
Bakit kaya hindi mabuwag ng kapulisan ng San Pablo, Laguna ang puwesto piho (color games) nitong si Aling Tessie sa palengke ng nasabing bayan?
Magkano kaya ang lingguhang‘ timbre’ ni Tessie kay PD Supt. Florendo Saligao at bakit hindi niya pinabubuwag ang pasugalan nito?
Bukod sa Laguna, mayroon ding puwesto piho ng color game si Tessie sa lalawigan ng Batangas.
Ano na kaya ang ginagawa ni Region 4-A RD Gen. Richard Albano?
VK CAPT NG MPD UNTOUCHABLE
Sa Maynila ay patuloy ang pamamayagpag ng mga vk ni Capt. Sicat ng MPD-PS-5. Palawak nang palawak na ang operasyon ng mga vk ni kapitan sa mga presinto gaya ng PS-5, PS-6, PS-10 at PS-8. Walang ipinagmamalaki kasi itong si kap kundi ang tsapa nito.
o0o
Anomang reklamo puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
