DALAWANG oras at 13-minutong nagsalita si Pres. Noynoy Aquino sa kanyang huling State of the Nation Address (SONA).
Eto na yata ang pinakamahabang SONA na narinig ko sa kasaysayan.
Mukhang itinodo na lahat ni PNoy na isa-isahin ang lahat ng mga nagawa nito sa kanyang pamumuno sa limang taon.
Pero mapapansin mo na puro papuri sa halos lahat ng kanyang Gabinete at maging ang kanyang mayordoma ay pinuri na rin. He..he..he!
Ang matindi pa rito, muli niyang itinodo ang paninisi sa nakaraang administrasyon na kung saan hindi yata makukumpleto ang SONA ni PNoy kung hindi niya mabanatan ang administrasyon ng dating Pangulo at ngayo’y Cong. Gloria Arroyo.
Kung inyong mapapansin, sa unang arangkada pa lang ng SONA ni PNoy ay nagpasaring na agad ito sa may kasalanan nang lahat mula nang maupo siya noong 2010.
Kesyo marami siyang minana mula sa nakaraang administrasyon.
Hindi pa rin yata siya nakamo-’move on’ kahit ilang buwan na lamang ang natitira sa kanyang termino.
Ay PNoy…bakit ang nakaraang administrasyon pa rin ang sinisisi mo sa nangyayari ngayong kalbaryo ng mga pasahero ng Metro Rail Transit (MRT) sa halip na mag-sorry ka sa dinaranas na hirap at pagtitiis ng mga pasahero sa araw-araw sa pagkasira ng mga bagon ng MRT.
Lumipas ang limang taon ay walang nagawa ang Aquino government para maisa-ayos ang MRT.
Sa public transport pa lang ay bigo na ang “Tuwid na Daan” ni PNoy na “Daang Walang Direksyon”
MGA SUGALAN SA BATANGAS, PADER
Patuloy ang operasyon ng lotteng ni Willie Bukbok sa Bgy. Palico, Tuwi at ang pasakla nito sa Bgy. El Paso, Nasugbu na pawang sa Batangas.
Pulis, aksyon!!!
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
