PINAIIMBESTIGAHAN ng isa nating impormante ang kalunos-lunos na sinapit ng isang police asset ng Biñan PNP Intelligence Office sa kamay umano ng mga pulis na pinagseserbisyuhan nito.
Totoo man ito o hindi, hindi dapat nating balewalain ang nasabing impormasyon.
Binaril daw umano ng isang Sir Legaspi ng Biñan Intel ang police asset nitong si alyas “Jun Striker” at saka raw ibinaon sa liblib na lugar sa may Calamba, Laguna.
Walang kamalay-malay ang misis ng police asset na si Normie at ng anak nito na nang hinahanap nila ang biktima sa Biñan Intelligence Office ay patay na pala ito.
Ang masakit, ang mga pu-matay raw ay ang mga naging amo ng biktima sa Intel ng Biñan na sina Legaspi, Panganiban, Acebeda, Lacap, Taculod at Ma’am Pacete.
Napag-alaman pa rin na si PO1 Pacete na kasama rin sa karumal-dumal na pagpatay sa biktima ay tila raw nakokonsensya sa kanilang ginawa sa biktima na ang tanging naging kasalanan lang daw ay pagbenta ng gamit na hindi kanya o sa mga pulis.
Ngayon, dito natin masusukat ang liderato ni PNP Chief Gen. Ricardo Marquez.
O, General Marquez, sir, baka naman pwede ninyong silipin ang posibleng katotohanan ng impormasyong itineks sa atin ng isang concerned citizen.
Aabangan namin ang inyong aksyon dito, lalo na kung mapatunayang totoo ang sumbong na ito.
BOOKIES SA LAGUNA PADER SA MGA MAYOR
Ang lawak na pala ang operasyon ng bookies ng STL nitong si Dante Alvarez sa Laguna.
Ang lawak ng bookies niya ay mula sa Biñan at San Pedro hanggang sa Sta. Rosa, Laguna.
E ‘di wow!!!
***
Anomang reklamo puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
