“ANAK ng ina naman oh!”
Ito ang palaging nasasambit ng mga motorista na dumaraan sa mga hinukay na kalsada gaya ng Hermosa at Raxabago St., Gagalangin, Tondo, Manila.
Mahigit na sa isang taon nang simulang hukayin ng Department of Public Works and Highways (DPWH) ang nakatiwangwang na hukay na kalsada sa Hermosa St., Tondo.
Pero magpasahanggang ngayon ay nakatiwangwang pa rin ang kalsada ng Hermosa dahil hindi kumikilos ang mga taga-DPWH para mapabilis ang paggawa sa nasabing kalsada.
Biruin ninyo, kung mapararaan kayo sa lugar na ‘yan ay mayayamot ang sinomang motorista dahil sa bukod sa uka-ukang kalsada sa nasabing kalye ay ubod pa ng trapik.
Hindi natin malaman kung sino ang may pagkukulang dito kung ang mga kontraktor o ang DPWH.
Mantakin ninyo, hindi pa nga tapos na magawa ang kalsada ngHermosa St., ay naghukay na naman ang mga taga-DPWH sa Raxabago St., Juan Luna, Tondo.
Hindi pa nasiyahan ang mga taga-DPHW ay binakbak na naman ang kahabaan ng Tayuman.
Paging: DPWH Sec. Rogelio Singson, ano na ba ang nangyayari sa inyong departamento?
Aba, Sec. Singson, ‘yan ba ang ipinagmamalaki ni Pang. Noynoy Aquino na “Daang Matuwid?”
Uka-uka naman, tangna naman oh. He..he..he..he.
TONG-COLLECTOR DAW NI GEN. ALBANO
Kaya hindi mapatigil ang talamak na bookies ng STL ni Kap. Ado ng Bgy. Sta. Maria, Sto. Tomas, Batangas ay dahil sa walang tigil na pangongolekta ng lingguhang “timbre” ng isang alyas Ryan Bacordo na nagpapakilalang tong-collector daw ni Region 4-A RD Gen. Richard Albano.
Si Ryan B. ang inatasan daw ng isang Atty. Asuncion na nagpapakilang malapit na kamag-anak ni Gen. Albano.
Ang matindi pa rito, kahit mahigpit ang kampanya na ipinatutupad ni PNP Chief Gen. Ricardo Marquez sa lahat ng mga iligal na pasugalan ay tanging ang Region 4-A lang ang nagsosolong nangongotong sa mga pasugalan.
***
Anomang reklamo o puna ay i-text lang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
