MULA nang palayain pansamantala ng Korte Suprema si Senador JUAN PONCE ENRILE (JPE), hindi matahimik mismo si Don Benigno Aquino III at kapit-tuko niyang Justice Sec. Leila de Lima.
Kasama rin ang kanyang iniupo sa Supreme Court na sina Justices Lourdes Sereno, Mavic Leonen at iba pa maliban kay Justice Antonio Carpio. Ikot din ang puwit ng ilang mahistrado sa Ombudsman at Sandigambayan.
Ang mga ayudante ng rehimeng Aquino ay ginamit na rin ang social media sa Internet at ibinubuhos nang todo ang hate campaign sa ngalan daw ng korapsyon?
Kinasuhan ng Aquino regime si JPE ng plunder, kasama sina Senador Jinggoy Estrada at Bong Revilla, batay raw sa nabulgar na PDAF scam ng estudyante ni Budget Sec. Butch Abad na si Janet Lim-Napoles.
Sa hard disk drive ni whistleblower Benhur Luy at “blue book” ni Marlyn Surla at mga kasama pang “whistle blowers”, halos lahat ng mambabatas sa House of Representatives at Senate ay kasama sa listahan. Bakit sina Enrile, Estrada at Revilla lang na nasa oposisyon ang kinasuhan?
Ngayon, pinareretoke ni Aquino ang desisyon ng pagpapalaya kay Enrile ng Supreme Court. What? Sadya bang wala kayong galang sa Korte Suprema, Mr. Hocus PCOS President?
Ipaalala ko lang sa inyo na KAYO ANG UNANG NAMBASTOS SA KORTE SUPREMA nang payagan nito ang pagpapagamot sa ibang bansa ni dating pangulong GLORIA MACAPAGAL-ARROYO! Self-explanatory iyan!
Puwersahan ninyong pinatalsik si dating SCCJ Renato Corona sa batayan kuno na dinaya ang kanyang SALN. Pero kayo mismo sa Malacanang at mga kongresistas y senadores ay hindi makitaan ng TOTOONG SALN! Ibig sabihin, kayo ang gumawa ng sarili ninyong multo na ngayon ay inyong kinatatakutan.
Noong huling makausap ko si JPE sa Senado bago ninyo siya ipinakulong, iisa ang kanyang sinasabi: “Suportahan ang inyong administrasyon no matter what giving due weight to your supposed service to our country and our people.
Ayaw niya ng gulo kahit alam niyang KULANG-KULANG kayo sa serbisyo sa bayan at mamamayan. May paggalang siya sa inyong administrasyon pero ang sukli ninyo ay siraan siya nang todo dahil nabulgar ang inyong ginawang pagpapatalsik noon kay Atty. Renato Corona!
Bakit ba kayo natatakot kay ENRILE? Ano ang mali ng Korte Suprema? Anong delikado ang ginawang desisyon ng mayorya? Eh karamihan sa ipinakulong ninyo ay BATAY SA INYONG PERSONAL NA GALIT AT PAGHIHIGANTI lang naman? BALETODO/ED VERZOLA
