MULI nating balikan ang Titan Z Night Club na puno ng kababuyan sa Macapagal Ave., Pasay City.
Tila hindi kayang tibagin ng sinomang law enforcer na magtatangkang mambulabog sa night club na ito dahil sa ipinagmamayabang na koneksyon ng presidente nitong si Ma’am Jean.
Lagi raw na ipinagmamayabang ni Ma’am Jean sa tuwing may mga nambubulabog sa kanilang club ang kanyang koneksyon sa itaas.
Kaya naman ‘largado’ ang prostitusyon sa night club nito sa kabila ng ilang metro lang ang layo mula sa Police Station ng Cultural Center.
Napag-alaman pa nating mag-utol na Hapones na sina Kenjie at Hiro Akiba, ang kapitalista ng Titan Z.
Ang mag-utol na ito ang mga pasimuno sa mga paglaganap ng prostitusyon sa ating bansa.
Marami nang club ang nahawakan ng mag-utol na ito sa Roxas Blvd. at marami na rin silang napariwarang mga kababaihan.
Hindi ko lang alam kung bakit sa kabila ng front ng prostitution ang night club na ito ay patuloy pa rin na binibigyan ng lisensya ng Business and License Permit Office chief Boyet del Rosario.
Bakit nga ba, Mr. Boyet?
LABANAN ANG DROGA SA BANSA
Sa Public Hearing na pinamumunuan ni Sen. Grace Poe bilang chairman Committee on Public Order and Dangerous Drugs ay binigyan-diin nito ang laban sa droga.
Sinabi pa ng senadora na hindi niya maaaring upuan na lamang sa kanyang opisina ang isang napakaseryosong problema: ang iligal na droga dahil buhay at kinabukasan ng mamamayan, lalo na ang mga kabataan, dahil sinisira at ninanakaw ng droga ang pag-asa natin para sa mas matingkad na kinabukasan.
Hiniling din ni Poe na mahalaga na bigyan ng suporta ang mga sektor na sumusuporta sa ating mga kabataan.
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
