NAMAMAYAGPAG pa rin ang prostitution sa Titan-Z Night Club sa Macapagal, Ave., Pasay City.
Inutil pa rin ang pamunuan ng Pasay City, lalo na si chief-of-police Supt. Joel Doria, sa pagsugpo sa mga kababuyan sa loob ng nasabing club.
Nasabi natin ito dahil grabe pa rin ang bentahan ng sex sa mga VIP room ng Titan-Z Night Club na animo’y motel na pinagpaparausan ng init ng katawan ng mga kalalakihan na nagpupunta rito.
Bukod sa quicky sex o gimik sa mga vip room ay talamak din ang barfine o cairo.
‘Yung bang inilalabas ng mga foreigner ang mga babae at isasama sa hotel kung saan sila naka-check-in.
Ang presyo ng gimik o sex sa bawat VIP room ay nagkakahalaga ng P2,500 depende sa kalidad o mukha ng babae.
Ang masakit dito, sa halagang P2,500, ang napupunta sa babae ay P1,500, sa club naman ay P500 at sa manager naman ay P500.
Sa presyo naman ng bar-fine sa Titan-Z na P8,000, ang napupunta lang sa babae rito ay P4,000 o kalahati.
Ang lupit ‘di po ba?
‘Yung babae ang hirap na hirap na nagpapakangkang sa mga dayuhang kostumer pero ang Titan-Z ang nagpapakasasa sa pinagputahan ng babae.
Nasaan ngayon ang konsensya ng mga human-trafficking advocate?
Magkano ba ang lagay sa inyo ng Titan-Z?
MALAKI ANG INT KAYA HINDI HINUHULI
Patuloy pa rin ang talamak na operasyon ng lotteng at EZ-2 ni Pinong sa mga lugar gaya ng Marikina, Pasig at Mandaluyong.
Walang ginagawang aksyon ang mga kapulisan para mapatigil ang mga sugalan ni Pinong.
Maging ang NCRPO, CIDG, DILG at GAB ay hindi kumikilos dahil sa lingguhang intelihensya na ibinibigay ni Pinong sa mga ito.
Paging, PNP chief Gen. Ricardo Marquez, ano ba ito?
o0o
Anomang reklamo o puna ay i-text lamang sa 09189274764, 09266719269 o i-email sa juandesabog@yahoo.com JUAN DE SABOG/JOHNNY MAGALONA
