MULI nating silipin ang Titan Z Night Club sa Macapagal Ave., Pasay City na pinamumugaran ng mga prostitute na kababaihang Pinay.
Hanggang ngayon ay hindi pa rin kumikilos ang pamunuan ng kapulisan ng Southern Police District (SPD) ni Gen. Henry Rañola at Pasay City Police C/Supt. Joel Doria kung bakit hindi nila mapatigil ang lantarang kangkangan (sex) sa loob ng mga VIP room ng nasabing club.
Ang balita kasi, isang pulis na nagngangalang Jigs S. ay ginagamit hanggang ngayon ang pangalan ni nasibak na Philippine National Police Chief Gen. Alan Purisima.
Si Jigs S. ang tumatayo ngayong ‘police-protector’ ng Titan-Z Night Club dahil siya ang tagabigay ng lingguhang intelihensiya ng club sa mga kabaro nitong pulis at sa iba pang mga operatiba na kumukuha ng tong-collection at nagsisilbi rin siya na bodyguard ng magkapatid na Kedjie at hiro Akiba.
Ang pinagtatakhan ko lamang ay kung bakit walang ginagawa ang Inter-Agency Council Against Trafficking (IACAT) na pinamumunuan ni Justice Sec. Leila de Lima.
Maging ang pamunuan ni National Bureau of Investigation-Anti-Human Trafficking Division (ATHRAD) chief Atty. Erick Nuque ay hindi rin kumikilos para magsagawa ng mga surveillance laban sa nasabing club.
Kaya tuloy nakapanghihinala na hindi pinoproteksyunan ng NBI ang Titan Z dahil sa isa sa mga pumoproteksyon dito ay isang alyas Agus ng NBI.
PATONG BA SI HEPE SA STL BOOKIES?
Sa lalawigan ng Batangas ay patuloy pa rin daw ang operasyon ng bookies ng Small Town Lottery ni Kap. Ado sa Brgy. Sta Maria, Sto. Tomas.
Hanggang ngayon ay patuloy pa rin daw na nagbibingi-bingihan si Sto. Tomas chief-of-police Supt. Noel Nuñez sa lantarang bookies ni kap. Ado sa Sto. Tomas.
Magkano ba, colonel?
***
Anomang reklamo puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
