ANG mga kapalpakan sa ‘Daang Matuwid’ ang maaaring ikasilat ng mga kandidato ng Liberal Party mula sa pinakamababa hanggang sa kanilang presidentiable candidate na si Mar Roxas habang tinatahak ang huling yugto ng ‘Tuwid na Daan.’
Ang isa rito ay ang mga kontrobersiya na kinasasangkutan ng mga ahensiya ng gobyerno na nagpasidhi ng galit ng mamamayang Filipino.
Kabilang sa mga ito ang planong inspekyon sa balikbayan boxes, madalas na pagkasira ng MRT, Yolanda, tanim-bala na nagdulot ng labis na kahihiyan sa buong mundo at marami pang kapalpakan.
Ang matindi, hindi pa nga nagdedeklara bilang LP standard-bearer si Roxas ay bagsak na ang kumpiyansya sa kanya ng daan-daang libong Overseas Filipino Workers (OFW). Ang matinding ikinagalit ng mga OFW ay batay sa ilang Facebook account na nagpapakita kung gaano nilalapastangan ng mga tauhan ng airport ang mga balikbayan box na dugo at pawis ang pinuhunan.
Nariyan din ang mga kapalpakan sa relief at rehabilitasyon ng mga lugar na nasalanta ng Yolanda. Poot ang namayani sa puso ng sambayanan dahil sa mabagal na pag-aksyon ng gobyerno para matulungan ang mga biktima.
May balita rin na ang bulto-bultong relief goods ay nabulok dahil hindi napamahagi sa dapat bigyan.
Ang isa pa ay ang perwisyong trapiko sa EDSA at iba pang pangunahing kalsada sa Metro Manila.
Ang pinakahuli ay ang kontrobersiya tungkol sa sindikato ng “tanim-bala” na bumibiktima ng mga walang kamalay-malay na pasahero sa ating pambansang paliparan.
PERYANG PUNO NG SUGALAN
Naku, grabe ang peryahan na puro sugalan nitong si Lyn sa Bgy. Saimsaim, Calamba, Laguna.
Si Kap. Manalo at si hepe ang ginagamit.
Totoo kaya ito? Kung totoo, magkano? He..he..he.
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
