YAMAN din lamang na pursigidong walisin ni Ombudsman Conchita Carpio-Morales ang mga bulok sa gobyerno, ang dapat niyang tutukan ay ang mga ‘korap’ na official sa Department of Environment and Natural Resources.
Ang tanong: gaano ba kaseryoso si Ombudsman Morales sa krusada nito?
Baka naman “selective” o ‘pili’ lang ang mga kinakasuhan nito at ‘pag kakampi ay exempted sa kaso.
Kung talagang seryoso siya at walang sinomang maimpluwensiya na nagtutulak sa kanya, dapat ay tutukan niya ang kaliwa’t kanang anomalya sa DENR, lalo na ang mga “big fish” na sangkot.
Karamihan naman kasi sa mga isinasangkot sa mga kaso rito ay pawang mga ‘kakaning-itik’ lang.
‘Yun bang mga small-time ganong napakarami naman ang mga ‘big-fish’ na mga magnanakaw sa departamentong ito.
Unahin na niyang sampulan si DENR Sec. Ramon Paje na ang balita ko ay may dalawang kasong administratibo na nakabinbin.
Kung totoo man ito dapat ay busisiing mabuti ni Gng. Morales. Ang mga kasong isinampa kay Sec. Paje ay ang paglabag sa Sec.3 ng RA 3019 o Anti-Graft and Corrupt Practices Act at ang pagbalewala sa RA 6713 at RA 9485.
Ma’am Conchita, para maniwala kami na seryoso kayo, sampulan n’yo si Sec. Paje.
BUWITRE NG REGION 1, IKINOKOLEKTA SI RD
Sino ba itong dating pulis na Alex Aquino na nagpapakilalang kolektor daw ni Region 1 RD Gen. Ericson Velasquez at nagpapakilalang pangulo ng mga peryante sa Region 1 na kinokolektahan nito?
Ang mga peryaha sa Pangasinan ay nasa mga bayan ng Bugallon na hawak ni Tess Tomboy; Sta. Maria – William Basbas; Malasique – Tony, Lingayen – Bebot de Luna; Bagsakan Market Princes at M. Central Market – Oswie at Gema Magat; at Urdaneta City at San Carlos City – Gema Magat. (ITUTULOY)
***
Anomang reklamo o puna ay i-text lang sa 09189274764, 09266719269 o i-email juandesabog@yahoo.com. JUAN DE SABOG/JOHNNY MAGALONA
