IDINIIN ito ni Mayor Oscar Malapitan sa ika-152 taong anibersaryo ng kapanganakan ni Andres Bonifacio nitong nakalipas na Nobyembre 30.
Ani Malapitan, si Bonifacio na kinilalang unang pinuno ng rebolusyonaryong kilusang masa na Kataas-taasang Kagalang-galangang Katipunan ng mga Anak ng Bayan o K.K.K. ay pinangunahan ang deklarasyon ng paghihimagsik at pagsusulong ng armadong pakikibaka upang makamit ang kalayaan ng Pilipinas mula sa higit 300-taong pananakop ng imperyong Kastila sa bansa sa Caloocan noong 1890s. Kaya nararapat lamang maging unang kabisera ng bansa ang Caloocan.
Bilang kasalukuyang ama ng Lungsod ng Caloocan, pinangunahan ni Mayor Malapitan ang mala-piyestang pagdiriwang at pagsasaya sa ika-152 anibersaryo ng kapanganakan ni Andres Bonifacio.
TAPAT SI MAYOR TIANGCO SA MGA ISKOLAR
Hindi palabas ang proyektong Iskolar ng Bayan ni Mayor John Rey Tiangco para sa mga guro at mag-aaral ng Lungsod ng Navotas.
Ito’y dahil bukod sa pondong galing sa pamahalaang lokal at pribadong sektor taon-taon, naglalabas ng P500,000 bawat taon si Mayor Tiangco ng sarili niyang pera upang mapag-aral ang humigit-kumulang na 250 guro at mag-aaral.
Para sa akin, nangangahulugang tapat si Mayor Tiangco sa pagpapaaral ng kanyang administrasyon sa mga nararapat pag-aralin.
CALOOCAN AT IJM VS HUMAN-TRAFFICKING
Pinahanga ako ni Mayor Oscar Malapitan nang malaman ko na ang kanyang administrasyon ay kaisa pala ng International Justice Mission – Philippines (IJM – Philippines) laban sa human-trafficking.
Sabi ni Evelyn Pingul, Communications, Mobilization and Advocacy Director of IJM – Philippines, noon pang Marso 2015 nagsimula ang Reintegration Support Network.
Mahigit sa 25 kababaihan, kabilang ang ilang menor-de-edad, ang naisasalba at natutulungan ng administrasyon ni Malapitan mula sa human-trafficking.
Dapat ganyan ang lahat ang pamahalaang lungsod, lalo na ng Parañaque, Makati, Pasay, Maynila, Quezon City, Angeles City at Cebu kung saan talamak ang human trafficking, partikular ang sex trafficking, ayon sa IJM. BADILLA NGAYON/NELSON BADILLA
