NAKABIBILIB ang ugali at gawi ni Grace Poe dahil sa kabila ng sangkatutak na disqualification cases na isinampa sa kanya ay nanatiling kalmado pa rin ang anak ng Panday.
Hindi biro ang stress dahil sa problema ang inaabot ni Senadora Poe pero nanatiling pokus pa rin ang kanyang kampanya sa kabila nang pagyurak sa kanyang pagkatao.
Alam naman niya kung sino ang gumawa at gumagawa ng kanyang mga DQ cases pero sa halip na gumanti ay pinagpasa-Diyos na lang ng ale ang lahat.
Maging ang kaliwa’t kanang banat sa anak ni Susan Roces ay dedma lang ang attitude ng ale dahil gusto niyang itaas ang kalidad ng kampanya at pulitika sa ‘Pinas.
Maging ang ilang political analyst ay bilib sa taktika ng anak ni FPJ dahil sa halip na bumanat o gumanti sa kanyang mga kaibayo sa pulitika ay naglatag at itinuon na lang nito ang kanyang atensyon sa kanyang 20 agenda na reresolba sa kinakaharap na problema ng bansa sa ngayon.
Sa bagitong mambabatas ay ipinakita na ni Poe ang kanyang malasakit sa bayan at iyan ang dapat maging sandata ng isang kumakandidato dahil ang pag-ibig sa tinubuang lupa ay kasing kahulugan na rin ng pagmamahal sa kapwa.
###
Angat na si Recom Echiverri sa labanang ng pagiging alkalde ng Caloocan City.
Sa kabila kasi ng kaliwat kanang panlalait sa kanya ng kasalukuyang liderato ay patuloy lamang si Echiverri ng paggawa ng makabuluhang programa at proyekto na kailangan ng tao.
Hindi maitatanngi na ang Caloocan ay tumino at umayos sa panahon ni Recom at iyan ang hinahanap ng tao kaya’t patuloy ang pag-angat ng kongresista sa mga surveys na malinaw na kinatatakot na ng mga kalaban.
Mamamayan ang kakampi ni Recom sa 2016 at iyan ang mahalaga dahil ito ang boses ng Caloocan. ALINGAWNGAW/ALVIN FELICIANO
