MULA po sa pamunuan ng REMATE at ang BALETODO ay nagpapasalamat po kami sa lahat ng suki at nakikibasa lang sa aming pahayagan. Nakatataba ng puso ang inyong mga reaksyon sa pamamagitan ng inyong text messages at sa social media.
Sana, sa kabila ng nakabuyangyang na totoong kalagayan ng bansa, kahirapan dulot ng malalang korapsyon at katiwalian ng rehimeng Aquino kasabwat ang mga naghaharing-uri at mga suwapang na kapitalista ay makapagsaya tayo ngayong Pasko.
Patuloy na tumataas ang presyo ng mga pangunahing bilihin. Noon ang dahilan ng pagtaas ay dahil mahal ang petrolyo na halos umabot ng P60.
Ngayon, kalahati na ang presyo, ni walang rollback sa presyo ng mga produkto? Eh, ‘di suwapang nga ang mga kapitalista!
Heto pa at magkakasunod ang bagyo na nagwasak sa maraming tahanan sa maraming dinaanan nina Nona at Onyok, paaano na nga ba nila sasabihin na “Maligayang Pasko?”
Ang kapansin-pansin, mabilis ang pagdating ng tulong. Nakatutuwa, May pagkain, damit, kandila at kumot. Pero, mula iyon sa makabayan, mababait natin na mga kababayan sa pribadong sektor at hindi sa mabagal, inutil, korap na ahensiya ng pamahalaan – ang DSWD!
Sa dami ng nawasak na kalsada at tulay, kasama ang ilan corrupt-ladden-ports, gaano kabilis ito maibabalik ng kasalukuyang rehimen ni Aquino? Tama ba na sabihin, “time will tell?”
Patapos na ang kanilang termino, eh. Ba’ pa nga ba sila mag-aaksaya ng panahon? Sa totoo lang, lalo pa nilang pinag-ibayo ngayon ang pangongotong, este, pagnanakawa, este, pangongolekta sa kanilang mga ahensiya.
Kabi-kabila ang pagbibigay ng award para sa mga proyeto na bago, mga proyekto na dapat ay pagmantine pero sa totoo, hao-shiao naman ang kanilang mga pinili na kontraktor. Sila ang mga kontraktor na kapartido, kamag-anak, kaibigan, kabarilan at kontribyutor noong 2010 at 2013 elections!
Tayong mamamayan? Laban pa rin sa kabila ng lahat na kapabayaan ng administrasyon. Masakit lang sa taynga na wala nang nagawa para maiahon ang bansa at mamamayan, hayun si Panotsa at nagyayabang na wala raw tlagang makagagaya sa ginawa niyang pagpapalusog ng ekonomya ng bansa?
!!!@#$%^&*()!!
!@#$%^&*()!!! pa uli. At mukha sa kanyang darating na farewell speech, ituturo niya ang lahat na kasawian at kabulukan ng kanyang pamamahala ay gawa lahat ng kanyang dating guro at lider ng bansa na si Congresswoman GLORIA MACAPAGAL-ARROYO!
Sabi nga, tayong mga Filipino ay mapagbigay, pasensyoso at matatag kaya, MALIGAYANG PASKO PO SA ATING LAHAT!!! BALETODO/ED VERZOLA
