HABANG papalapit na ang eleksyon sa May 9, 2016, mukhang hindi na mapagkatulog ang mga kalaban ni Sen. BONGBONG Marcos, partikular na itong si Sen. Chiz Escudero na puro lang salita at wala naman sa gawa.
Lumalabas kasi sa survey ay ‘statistically tied’ o tabla na sa unang puwesto sina BONGBONG at Chiz at malayo sa ikatlong puwesto si Liberal Party candidate Rep. Leni Robredo habang naglalaban sa pagiging kulelat sina Sen.Gringo Honasan at Sen. Antonio Trillanes.
Sa totoo lang, kung pagbabasehan sina BONGBONG at si Mr. Heart Evangelista, este, Chiz ay ‘di hamak naman na gabalon ang lalim ng pinagkukuhanan ng mga suporta ni BONGBONG.
Ang isang pruweba na pagkukunan ng mga boto na wala ang mga kalaban ni BONGBONG ay ang ‘solid north’ na masasabing ang ka-Ilokanohan ay ‘loyal’ kay Pang. Ferdinand Marcos o si Apo dahil sa mga magagandang ginawa nito sa bansa .
Ibang klase talaga itong karisma ni BONGBONG. Biruin ninyo, sa kabila ng kaliwa’t kanang banat sa pamilya niya sa nakaraang 30-taon mula noong ‘EDSA 1’ ay marami pa rin ang gustong manalo si BONGBONG sa VP.
Ang ikalawang na pinagkukunan naman ng suporta ni BONGBONG ay ang mga masusugid na dating taga-suporta o ‘appointee’ rin ng kanyang ama gaya nitong mga ‘Floreindo’ na isa sa mga kinikilala sa Davao.
E sa totoo lang, ang isa mga dahilan kung bakit hindi na mapipigilan ang panalo ni BONGBONG bilang Bise-Presidente ay ang kabiguan ng EDSA Uno na tuparin ang pangakong “pagbabago at reporma” dahil wala namang nangyaring pagbabago!!!
Alam ba ninyo na masahol pa ang naging kabulukan ng gobyerno ngayon kung ikukumpara noong panahon ni Pang. Marcos dahil mas dumami ngayon ang mga magnanakaw sa gobyerno, nagugutom, mahihirap, walang trabaho at, higit sa lahat, mas tumaas ang presyo ng mga bilihin, kuryente at tubig, upa sa bahay, talamak na krimen at DROGA. ‘Yan ba ang PAGBABAGO at REPORMA na sinasabi ninyo?
Sa totoo lang, kung may dapat sisihin sa pangyayaring ito ay hindi ang FILIPINO o pamilya ni BONGBONG kundi ang pagpababaya at pang-aabuso ng mga taong pumalit kay Pang. MARCOS sa puwesto.
Ang dahilan kung bakit “malakas” si BONGBONG ay dahil naniniwala ang mamamayang FILIPINO na mas higit si BONGBONG na mapunta sa Malacañan kumpara sa mga kalaban niya.
Hay nakoo. (‘di ba Onyok) ano aangal kayo!!!
***
Anomang puna o reklamo i-text sa 09189274764,09266719269 o i-email sa juandesabog@yahoo.com JUAN DE SABOG/JOHNNY MAGALONA
