MALAKING pondo ang ilalaan ni Cong. Ricky Sandoval, sa mga taga-Malabon para labanan ang lumalalang krimen at ang paglaganap ng droga sa pamamagitan ng paglalagay ng CCTV sa lahat ng lansangan ng lungsod.
Bukod dito, susuportahan din niya ang mga kakailanganin ng mga kapulisan, tulad na lang ng pagbili ng mga sasakyan, radyo at iba pang kagamitan ng pulis para maipatupad nang maayos ang kapayapaan at malabanan ang mga krimen.
Maglalaan din itong si Sandoval ng malaking pondo para maipambili ng makabagong ambulansya na kumpleto ang mga kagamitan sa loob para makasagip ng buhay.
Gusto ni Sandoval na mas marami pang kabataan ang magkaroon ng schoolarship sa kolehiyo at sa TESDA para siguraduhing maganda ang kanilang magiging buhay at makaahon sa kahirapan, pagsisikapan din ng mambabatas na makapagpatayo ng Science High School pati na rin ang vocational-technical schools na huhubog sa mga kabataang taga-Malabon, kabilang na ang modernong audio-visual rooms sa mga pampublikong paaralan ng Lungsod ng Malabon.
Ilalaan din ni Sandoval ang malaking pondo para sa pagpapautang sa mga kapus-palad na gustong magkaroon ng sariling negosyo gayundin ang kooperatiba, mga mangingisda at sa may mga mababang kita dahil gusto niyang magkaroon ng Special Economic Zone o PEZA na magbibigay ng karagdagang trabaho.
Tulad na lang ng ginawa ng congressman sa mga residente ng Panghulo sa Karisma Ville.
Isusulong din niya ang in-city relocation ng mga informal settler para manatili sila sa Malabon malapit sa lugar ng kanilang trabaho gayundin sa mga paaralan para sa kanilang mga anak.
Maglalaan siya ng pondo para sa iba pang maralitang taga-lungsod para sa kanilang in-city relocation.
Si Sandoval ang sinasabing nagpasimuno sa pagtutulak sa DPWH na gawin ang mega flood control project sa Malabon, dahil alam niya ang puno’t dulo ng proyektong ito, muli niyang pabubuksan ang talakayan at kung kinakailangan ay suriin nya ang mga karagdagang ayuda para sa proyektong ito na Makatulong upang maiwasan ang labis na pagbaha sa Malabon.
Matalino na ngayon ang ating mga botante kung kaya alam nila kung sino ang nakatutulong at tapat magserbisyo sa publiko. LILY’S FILES/LILY REYES
