SINUKLIAN ng taga-Muntinlupa City ang serbisyong ibinigay ni Mayor Jimmy Fresnedi matapos nitong manalong muli bilang alkalde ng lungsod sa pamamagitan ng landslide victory.
Ito ang nagsusumigaw na katotohanang naganap sa nakalipas na halalan sa Munti matapos makakuha ng 125,250 boto si Fresnedi kontra sa 58,000 botong nakuha lamang ni Aldrin San Pedro.
Hindi rin maitatanggi na mahal talaga ng Munti si Fresnedi dahil halos ang buong tiket nito ang nahalal magmula kay Cong. Ruffy Biazon na nakakuha ng 135,470 boto at Vice Mayor Celso Dioko, na nakatanggap naman ng 103,142 boto.
Malinaw sa naging resulta ng eleksyon nitong nakalipas na Mayo 9, na nagustuhan ng mga taga-Munti ang mga programa at proyektong ginawa ni Fresnedi na naging dahilan para bumangon muli ang lungsod sa lahat ng aspeto ng pag-unlad.
Nakita rin ng taga-Munti ang dagliang pagbabago ng siyudad mula sa isang tutulog-tulog na lungsod patungo sa isang maunlad at mapayapang komunidad.
Tama rin ang ginawa ni Fresnedi na manawagan sa mga tagasunod ni San Pedro na tigilan na ang pagpapalabas ng pangit na salita bagkus makipagtulungan na lamang sa kanyang pamamahala, na minahal ng tao sa ikalawang termino.
Kaya’t sa mga taga-Munti, binabati natin kayo dahil you made the right choice again!
Kay Mayor Jimmy Fresnedi, tuloy-tuloy lang sa matinong pagseserbisyo para sa bayan! ALINGAWNGAW/ALVIN FELICIANO
