BIBIGYAN-DAAN muli ng Lily’s Files ang ilan sa tambak na text messages at mga nag-email ng kanilang mga reklamo, hinaing at komento tungkol sa kanilang mga employer, lugar o taong-gobyerno.
At tulad ng dati ay hindi na po natin babanggitin ang kanilang mga pangalan at cellphone number para na rin po sa kanilang kahilingan at proteksyon.
Kung anoman ang mailalathala ng pahayagang REMATE ay iyon po ang mga nakasaad sa kanilang mga padalang text message at email sa Lily’s Files column natin at wala po akong babaguhin o papalitang mga salita.
Magandang araw, Lily’s Files. Ang haba-haba ng panahon ng tag-araw at wala ring pasok sa eskwela pero bakit ngayon, kung kailan tag-ulan at magpapasukan na ay doon na naman nila binubungkal ang kalsada at ang nakaiinis pa rito ay mga ayos na kalsada ang kanilang sinisira.
Alam kaya ng mga taong-gobyerno ang kanilang pinaggagawang perwisyo sa taumbayan? Salamat po. 0975-1-5-9-.
LF – Matagal na po nilang ginagawa iyan. Kumbaga, eh, kalakaran na nila ‘yan na kapag tag-ulan ay saka lang sila magsisira ng mga ayos na kalsada. Salamat po, Lily’s Files Column.
GOOD day MS Lily, sana mag-move on na tayong lahat, tanggapin na natin na si Duterte na ang ating bagong Pangulo at hindi ‘yung gusto natin.
Move-on na po tayong lahat para umusad naman itong ating bansa na matagal nang nakalugmok. Marami pong salamat. 0916-6-3-9-.
LF – O ayan po, para sa ating mga reader, tama po ang nagpadala ng message na ito. Tapos na po ang election at bago na ang Pangulo. Mag-move on na po tayong lahat at tulungan na lang natin ang ating bagong Presidente. Salamat po. LILY’S FILES/LILY REYES
