ANG mga dating uhugin at bagitong kandidato noon na inaruga, pinagpala at sinuportahan ni Atienza ngayon ay nakasakay na sa jeep ni Erap, nakalulungkot lang isipin na ang mga kandidatong ito ay hindi marunong tumanaw ng utang na loob. Sila ‘yung mga oportunista sa pulitika na kung tawagin ay mga bagong bersyon ng pulitika.
Ang nakatatawa at nakapagtataka pa rito ay kung bakit si Atienza ang tinitira ng mga nakasakay sa jeep ni Erap gayong si Lim naman ang kalaban nila.
Ating nalaman na kaya si Atienza ang tinitira ng mga nasa Jeep ni Erap ay dahil malakas daw ang anak nitong si Ali Atienza na kandidato sa 5th District ng Maynila. Natatakot silang kapag manalo ito at makapasok sa City Council ay mahahalukay ang mga kabulastugang pinag- gagagawa nila sa Konseho at sa mga taga-Maynila.
Wala raw nagawa sa Maynila si Atienza? Natawa at nailing ang mga nakikinig na taga-Maynila. Oo siguro nga ay walang nagawa…walang nagawa na kabulastugan tulad ng
marami nilang nagawa sa City Council. Ang ibenta ang mga ari-arian ng Maynila, ang ilibre sa tax ang dambuhalang telecommunication company pero higpitan ang singil sa permit ng mga malilit na vendor at pedicab, at ang pinakahuli ay ang pag-apruba upang i-reclaim ang karagatan sa Manila Bay! ‘Yun ang nagawa ng mga kandidatong ito. Opo, marami nga raw silang nagawa.
Nagawang pabagsakin ang ekonomiya ng Maynila at gipitin ang maliliit na Manilenyo!
Tinitira ni Lim ang mga kaalyado na nakasakay sa jeep ni Erap dahil sa tax exemption ng dambuhalang telecom company, pati na rin ang pagbibigay ng pahintulot sa nanalong bidder ng reclamation sa Manila Bay.
Bakit hindi nila masagot at sa halip ay si Atienza ang babatuhin? Dahil ba sa totoong sila nga ang mga lumagda at nag-apruba sa Resolution at Ordinansang ito? Kawawa naman ang pamilya Atienza…na walang ginawa kundi ang pagandahin ang May-nila sa matagal na panahon.
Gumawa rin ng mga bagong mukha sa pulitika, sa pag-aakalang may makakasamang magpaunlad ng Maynila ang mga ito ngunit sa huli ay ang mga inaruga at inalagaang kandidato rin pala ang wawasak at sisira sa nasabing lungsod…!
