HUWAG kayong magagalit kung hindi kayo makalapit at makamayan si Interior Sec. Ismael Sueno ngayon, gaya ng unang buwan niya sa DILG na si Secretary Mike pa ang kusang lumalapit sa masa para kamayan niya.
Ngayon, aba, talo pa niya ang hari ng Saudi Arabia dahil sa mahigpit na pagkokordon sa kanya? Todo ngayon ang cordon sanitaire kay Sueno ng mga sekyu! Pero sa totoo lang, abot-kamay siya kapag wala ang mga bantay niya.
Sabi nga ng ating mga mata sa DILG, bago raw ang utos sa security ni KA MIKE sa utos ng isang latak na opisyal ng nagdaang administrasyon na kesyo sa higpit at galit ni Sec. Maeng laban sa mga protektor ng iligal na droga ay baka may magtangka raw sa kanyang buhay?
Eh, ‘di wow uli. Isang USEC na mas kilala bilang MAFIOSI sa DILG ang may pakana ng paghihigpit, gusto raw kasi nitong manatili sa kanyang super power na pwesto kaya todo sipsip kay Sec. SUEÑO.
Kailangan daw niya itong gawin dahil kung hindi mas malamang na mabuko ang kanyang multi-bilyon na sindikato sa DILG!
Naaalala ba ninyo ang ibinulgar ng COMMISSION ON AUDIT sa nawawalang pondo ng DILG na mahigit P7-bilyon? Si MAFIOSI ang script writer, producer, director at actor doon noong nagdaang administration na puro korap ang nakaupo.
Pinulong daw nito ang mga regional at municipal interior directors para subuan ito ng tapon sa bibig. Ang resulta, mula noon hanggang ngayon, nanginginig sa takot ang mga nasabing opisyal dahil ang alam nila, nakapangunyapit muli itong si MAFIOSI kay Secretary MIKE SUEÑO!
Sinasabing kontrolado rin ni MAFIOSI ang mahahalagang department ng DILG katulad ng Finance, Admin, Supplies, General Services, pati na ang Bids and Awards Committee. Pati nga ang BJMP at Bureau of Fire na nasa ilalim ng DILG ay hindi makapalag kay MAFIOSI at sa sindikato niya na tinawag niyang, “UNHOLY TRINITY.”
Ilan din naman sa BJMP at BFP na mga RETIRADO AT AKTIBONG OPISYAL ay kasabwat din nitong si MABISYO, este, MAFIOSI, kahit natatakot ang DILG employees.
Gustong manawagan ng mga empleyado kay PANG. RODY DUTERTE na imbestigahan si MAFIOSI at ang UNHOLY TRINITY sa lalong madaling panahon para lumabas ang mga itinatago nito.
Sabi nga ng atin mga kausap, kulang daw ang 10 beses na bitay kapag nahalukay ang bilyon-bilyong nilaspag nila, kasabwat ang mga kamag-anak ng dating boss nila na minadyik ang appointment at regular na lahat ngayon.
Kaya MAFIOSI, tingnan ko lang ang ipinagyayabang mo na hindi ka pwedeng alisin sa pwesto dahil sa iyong astig na backer. LILY’S FILES/LILY REYES
