KUNG inaakala ng ilang politiko na tutol sa liderato ni Pangulong RODRIGO ROA DUTERTE na maganda ang ginagawa nilang paninira sa mata ng mundo, malaking pagkakamali ninyo. Talo pa ninyo ang mga MAKAPILI noong panahon ng Hapon!
Dahil lang sa inyong katakawan sa kapangyarihan ng pulitika, ginagawa ninyong kahiya-hiya ang bansa natin.
Ang masakit, ang baho ninyo ay sa labas pa ng bansa ninyo ikinakalat. Wala ba kayong kahihiyan?
Naupo rin naman kayo sa kapangyarihan pero ano ang ginawa ninyo? Halos wala kundi puro pagsasamantala, katiwalian, paninira, korapsyon at matinding kapabayaan.
Alam kong alam ninyo iyan dahil tiyak namang tao na hindi kayo mga tanga! Komo hindi ninyo kayang akitin sa pamamagitan ng panlalansi ang mga Filipino, sa ibang bansa kayo na tila mga batang iyakin nagkalat.
Alam na alam ninyong kapwa ninyo mga bobo ang inyong mga kausap sa United Nations, America at European Union! Ipinakikita ninyong mas mahalaga ang buhay ng mga adik at kriminal kaysa mga inosenteng sibilyan.
Karapatang-pantao ba ang tawag ninyo sa mga napatay dahil lumaban sa mga awtoridad? Mga inutil!
Sige, sulsulan pa ninyo ang mga dayuhan dahil mukhang napapaniwala na ninyo sila. Kesehodang mag-alisan silang lahat dito sa bansa kasama ang pera nila’t puhunan sa negosyo. Hindi babagsak ang Pilipinas.
Ipaalala ko lang sa inyo bago umalis o pinaalis ang mga base militar ng Amerika sa bansa noong 1991.
Sabi ng amo ninyong Kano, kapag nawala sila, babagsak ang ekonomya ng Pilipinas at darami ang walang trabaho.
Noong nandito sila 13-15 libo lang ang manggagawa sa US Subic Naval Base at gayundin sa Clark Air Base. Anong nangyari?
Sa kamay ng pamamahala ng mga Filipino, umunlad na hindi masukat ng inyong amo ang naturang mga base militar. Mahigit tig-100 libo ang may trabaho at patuloy ang pagpasok ng negosyo!
Kung sa palagay ninyo, mapapagbagsak ng mga dayuhan si Pangulong Duterte dahil sa inyong kataksilan, hindi mangyayari iyan.
Mabuti pa kayo ang mag-alsa-balutan at lumayas sa Pilipinas. Doon sa Amerika at Yuropa ninyo himurin ang tumbong ng inyong mga amo.
Ang ginawa at patuloy na ginagawa ninyong paninira sa Pangulo ay paninira sa Inang Bayan at sambayanan. Kayo ang mga bagong taksil ng bayan! BALETODO/ED VERZOLA
