KINATIGAN ni National Capital Region Police Office (NCRPO) chief C/SUPT. Oscar Albayalde ang mga nasibak at isinasangkot na mga pulis ng Manila Police District (MPD) na umanoy nanguna sa marahas na dispersal sa mga raliyesta noong Huwebes sa US Embassy.
May punto nga naman si Gen. Albayalde sa kanyang naging pahayag sa prescon na ginanap sa MPD HQ’s na hinding pupwedeng sabihing ang mga pulis ang nagsimula ng kaguluhan habang ang mga raliyesta ay nagsasagawa ng mapayapa at tahimik na programa sa tapat ng US Embassy.
Imposible nga naman na guluhin ng mga kapulisan ang rally ng mga raliyesta habang ang mga ito ay nagsasagawa ng mapayapa at tahimik na programa sa harap ng US Embassy, ‘di ba?
Ikinatwiran pa ni Gen. Albayalde na hindi sana raw nangyayari ang dispersal kung naging matahimik ang mga raliyesta sa kanilang programa sa harap ng US Embasy.
Katunayan, giniit pa ni Gen. Albayalde na hindi sila nagsisinungaling at hindi ang mga pulis niya ang nag-umpisa ng gulo dahil pagkadating na pagkadating pa lang daw ng mga raliyesta ay magulo na sila at ito ay makikita naman daw natin sa mga video footage.
Sa video footage na ipinakita ni MPD Director S/Supt. Joel Coronel sa pagpunta ni Albayalde sa MPD Headquarters ay pinanood nito ang umano’y marahas na dispersal.
Kitang-kita naman ng heneral ang tunay na pangyayari na mismo mula sa hanay ng raliyesta nagsimula ang kaguluhan at hindi sa pulis.
Iginiit ni Gen. Albayalde na hindi sa kanila o sa mga pulis niya nagmula ang marahas na dispersal ng Anti-U.S. rally kundi mula mismo sa mga raliyesta.
Hindi umano sila idi-disperse ng kanyang mga kapulisan kung hindi totoo na nagmula ang kaguluhan mismo sa hanay ng mga raliyesta.
SINA MAYOR AT HEPE, ANG INGINUNGOSO SA DRP BALL
Sa Nueva Ecija, partikular na po sa Cabanatuan City, muli na namang nagsulputan ang mga puwesto pijo ng drop ball sa mga matataong lugar gaya ng mga plaza, public market at mall na minamantine ng mga pasaway na operator.
Walang ipinagmamalaki ang mga ito kundi pader sila kina Cabanatuan chief of Police Supt. Ponciano Zafra at kay Cabanatuan Mayor Jay Vergara.
Walang bukambibig ang mga operator na sina Evelyn S., Linda, Emily, Toyang at Nelma Berong kundi malaki ang kanilang lingguhang timbre kina mayor at hepe.
Puwera pa ang goodwill nila kaya hindi sila pwedeng patigilin sa kanilang mga iligal na pasugalan kahit tinatambayan ito ng mga drug addict at pusher sa magdamagang pa-drop ball.
oOo
Anomang puna o reklamo, i-text sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
