TALAMAK ang korapsyon sa nakaraang mga administrasyon at kapit-tuko sa puwesto at mga mandarambong na gustong patuloy na magpasasa.
Isang halimbawa ang iskandalo sa Energy Regulatory Commission (ERC) na pumutok dahil sa pagpapakamatay ng isang opisyal, si Director Francisco Villa, Jr., at kanyang pagbubulgar sa katiwalian sa naturang tanggapan.
Ngunit kapit-tuko nga ang tatlong komisyuner na sina Alfredo Non, Ina Asirit at Gloria Victoria Taruc na itinatanggi ang mga alegasyon.
Walang dahilan para pagdudahan ang deklarasyon na ginawa ni Atty. Villa na siyang pinuno ng bid and awards committee ng ERC na magpapakamatay kaya marapatin itong maimbestigahan nang husto.
Milyon-milyong piso pala ang nakukulimbat ng mga animal sa ERC mula sa mga maanomalyang mga transaksyon kabilang na ang mga rigged bidding.
Ayon kay Villa, pinilit siyang aprubahan ang mga iligal na kontrata ng ERC na ginatasan ng ilang matataas na opisyal.
Ang kakapal ng apog ng mga hayup na ‘yan!!! Hindi papayagan ni Pangulong Rody Duterte ‘yang pagpapatuloy ng korapsyon sa mga tanggapan ng pamahalaan.
Ano sila sinusuwerte?
Hahayaan na lang sila na magpalaki ng… alam n’yo na sa puwesto?!
Sa ganang akin, dapat gamitan ng kamay na bakal ang mga magnanakaw sa gobyerno!
Wala silang pagkakaiba sa mga druglord na walang konsensya sa kanilang kademonyohan!
Panagutin ang mga ‘yan sa kanilang mga atraso sa taumbayan!!!
***
Welcome po ang inyong mga reaksyon, opinyon at reklamo. I-email lamang po sa etulfo2011@yahoo.com o bisitahin nyo kami sa Erwin Tulfo Action Center sa 2nd Floor, Quedsa Plaza, Quezon Ave. cor. EDSA, Quezon City, 9am-4pm Monday-Friday. DEADSHOT/ERWIN TULFO
