TILA ang kakapal ng mga pagmumukha at kapit tuko itong tatlong mga komisyuner ng Energy Regulatory Commission (ERC) sa kabila ng isa-isa itong pinagbibitiw ni Pang. Rodrigo Duterte sampu ng mga matataas na official na pawang mga kasamahan sa komisyon.
Ang makakapal na mga mukha at kapit-tuko sa pundilyo ng ERC ay sina Commissioner Alfredo Non, Ina Asirit at Gloria Victoria Taruc na hanggang ngayon ay patuloy pa ring nananatili sa kani-kanilang posisyon bilang mga onorabol kahit kaliwa’t kanan na ang mga panawagan na magbitiw ang mga ito sa kani-kanilang puwesto. Dedma lang ang mga ito.
Aba’y ano ba ang mayroon sa tangnang ERC na ‘yan at bakit mga kapit-tuko ang mga tinamaang lintik na ‘yan!
Mismo si Pang. Duterte na po ang nagsabi na hindi niya masisikmura ang pagsilbihan ang kanyang mga kababayan nang may mga kasamahan siya sa gobyerno na pawang mga tiwali at mga corrupt gaya nga ng mga opisyal ng ERC.
Kung inyong matatandaan, kamakailan lang ay sumambulat ang isang balita na nag-suicide si ERC Director Francisco Villa dahil sa hindi na nito masikmura ang mga iregularidad at katiwalian sa loob ng ahensiya na kung saan ay pinilit daw na aregluhin si Villa sa ilang bidding.
Sa ERC kasi ay naririyan ang mga malalaking “kickback” na kung saan ang mga nagmumunini sa mga kickback diyan ay ang mga komisyuner at ilang kasabwat ng mga ito.
Kaya nga nag-suicide si ERC Director Francisco Villa ay dahil sa presyur tungkol sa kaliwa’t kanang corruption na nangyayari sa komisyon na kung saan ay sila-sila lang ang mga nagpapasasa sa talamak na nakawan sa nasabing ahensiya.
Panahon na siguro na i-overhaul ni Pang. Duterte ang ERC mula sa pinakamababa hanggang sa pinakamataas na posisyon na kung saan ay ang mga tarantadong ito ang siyang nagpapahirap sa bayan.
Hindi kaya ang mga ito ang dahilan ng abnormal na pagtaas-baba ng presyo ng kuryente?
BIÑAN BOOKIES, HINDI MAGIBA NI DIMAGUILA
UNTOUCHABLE pa rin ang bookies ng Small Town Lottery(STL) ni Kap. Ruel sa San Vicente, Biñan, Laguna wala kasing bukambigbig si kapitan kung hindi si Biñan Mayor Amand Dimaguila at si hepe kaya kahit lantaran ang bookies ay dedma lang ang dalawang ito.
Umaksyon naman kayo Mayor Dimaguila, huwag na ninyong hintayin pa na sabihin ko na mga “inutil” kayooooooo……
oOo
Anomang puna o reklamo i-text sa 09189274764,09266719269 o i-email sa juandesabog@yahoo.com JUAN DE SABOG/JOHNNY MAGALONA
