1. AKO po si Rogerick Basa na taga-Iloilo City. Noon pong November 30, 2016 sa pagitan ng 1:30 at 2:00 ng umaga, ang sasakyan ko na Ford Everest habang nakaparada lang sa parking lot ng isang pawn shop ay binangga ng isang taxi na nagsabing hit-and-run naman daw ng isa pang sasakyan.
Ang taxi driver ay nagpunta sa police station para magpa-blotter at i-report ang aksidente.
Kinabukasan ay nasabihan ako ng aking kapitbahay tungkol sa aksidente. Nagpunta ako sa barangay hall para tingnan ang CCTV footage ng pangyayari.
Nagpunta rin po ako sa police station para malaman ang tungkol naman sa blotter report.
Nakipag-schedule ako ng meeting sa taxi driver na inamin naman na nabangga niya nga ang aking kotse. Ang sabi niya ay ang mismong manager ng taxi company ang tatawag sa akin para sa mga damage sa aking sasakyan na dahil nga sa aksidente.
Pero nang tumawag ang manager sa akin, ang sabi ay hindi raw nila babayaran ang nasira sa kotse ko dahil ang may kasalanan naman daw ay ang isa pang sasakyan na bumangga naman sa kanilang taxi at nag-“hit-and-run” nga.
Hindi po ba pwede na makahingi ako ng bayad-danyos sa taxi na mismong bumangga sa aking sasakyan?
Sana po ay matulungan ninyo ako? Thank you and God Bless you po.
2. Good day po, ako po si Cholo Antonio. Gusto ko lang pong magtanong at makahingi ng tulong. Kasi po, noong February nitong taon, isang armored car ng DASIA Security Agency ang bumangga sa aking sasakyan.
Noong una ay inamin nila ang aksidente at sinabi na willing naman sila na sagutin ang gastos sa mga damage pero katagalan ay hindi na po sila ma-contact at hindi na sila sumasagot sa aking tawag at kapag kung minsan naman na maka-contact ako ay laging wala raw po ang in-charge sa issue ko.
Ang masama po ay laging sinasabi na for release na ang payment at sinasabihan ako na tawagan ang releasing officer pero kung tumawag naman ako roon ay wala naman daw ganun na inaayos o transaksyon na na-file.
Medyo malaki po ang damages sa kotse ko.
Sana po ay mabigyan n’yo ako ng advise kung ano ang gagawin ko. Salamat po. SIBOL/ATTY. ARIEL ENRILE-INTON
