ANG Pilipinas ay maraming magagandang beaches na maaaring puntahan ng mga turista.
Subalit, ang MANILA BAY ay hindi kasama sa mga ito.
Ang paglilinis sa Manila Bay, ay iniutos ng korte Suprema (SC) sa pamamagitan ng desisyon na may petsang Disyembre 18, 2008. Sa “Writ of Continuing mandamus”, ay nag-utos ang korte Suprema (SC) sa 13 ahensya ng gobyerno, kasama ang DENR, na linisin ang Manila Bay at ibalik ang tubig dito sa SB level, para maaari ng paliguan, skindining at iba pang uri ng contact recreation.
Libo-libong residente ang naghahanap ng kanilang mapagkakanlungan upang maging presko ang kanilang pakiramdam ngayong summer sa pamamagitan ng pagligo at paglangoy sa maruming tubig ng Manila Bay.
Gayundin, binigyang diin ng City Administrator na ang Department of Health ay naglabas din ng kanyang sariling babala na nagsasaad na ang Manila Bay ay marumi dahil na rin sa basura at toxic na mga bagay.
Ito ay alinsunod na rin sa City ordinance 3827 dahil na rin sa resulta ng pagsusuri ng Department of Health (DOH) na ang tubig sa dagat ng Manila Bay ay kontaminado at deli-kado para sa kalusugan ng publiko na maliligo sa lugar.
Ginawa ng alkalde ang paalala dahil ngayong tag-init ay tiyak na marami na namang magtatampisaw at maliligo sa Manila Bay upang maibsan ang sobrang init ng panahon.
Ayon kay Mayor Fred Lim, hindi ligtas ang paliligo sa Manila Bay dahil marami nang basurang naglulutangan sa tubig na maaaring makapagdulot ng sakit sa balat at amoebiasis.
Sinabi ng alkalde na may nagbabantay nang pulis at city hall employee sa lugar upang pigilan ang mga tao na nagbabalak na maligo sa Manila bay.
