TAHASANG nananawagan si Ilocos Norte Governor Imee Marcos sa Department of Labor and Employment (DOLE) at Department of Foreign Affairs (DFA) na magsagawa ng masusing imbestigasyon hinggil sa pagkamatay ng overseas Filipino worker na si Marcelino Devis na namatay nang masagasaan sa Hawaii kamakailan.
Ang masama, tinakbuhan si Devis ng nakabangga sa kanya. Ang higit na masama, hindi kaagad inasikaso ng mga opisyal ng DOLE at DFA ang nangyari sa 47-anyos na OFW.
Hangad ni Imee na paimbestigahan ang nangyari kay Devis para malaman ang buong katotohan sa kanyang pagkamatay.
Bakit ito ginagawa ni Imee?
Una, ang OFWs ay napakahalaga kay Gov. Imee sapagkat malaki ang naiututulong nila sa paggalaw at pag-angat ng ekonomiya ng bansa.
Ikalawa, si Devis ay kababayan ni Imee kung saan ang katulad niyang OFW ang may malaking naiaambag sa ekonomiya ng Pilipinas dahil galing sa Ilocos ang pinakamalaking bilang ng OFWs sa Pilipinas.
Ikatlo, napakalapit sa puso ni Gov. Imee ang OFWs dahil nagsimula sa panahon ng panunungkulan ng kanyang amang si Pangulong Ferdinand E. Marcos ang pagkakaroon ng OFWs sa Pilipinas na ang layunin ay makatulong sa pag-angat ng buhay ng bawat pamilyang Filipino at ng ekonomiya ng bansa.
Ika-apat at panghuli, hangad ni Imee na mabigyan ng katarungan ang pagkamatay ni Marcelino Devis at ang lahat ng OFWs na namatay para hindi naman mabalewala ang kanilang paghihirap para sa kanilang mga pamilya at bansa.
Hangad din ni Imee Marcos na tiyakin ng pamahalaan ang pagbibigay-proteksyon sa OFWs bago sila umalis ng ating bansa.
Naniniwala si Imee na kailangan ng OFWs ang sapat na proteksyon sa OFWs bilang kongkretong hakbang ng pamahalaan sa kanilang natatanging ambag sa ekonomiya ng bansa.
Kaugnay nito, solido ang suporta ni Imee sa plano ni Pangulong Rodrigo Duterte na magtayo ng pambansang ahensya ang pamahalaan na nakapokus sa interes, pangangailangan, proteksyon, at iba’t ibang usaping kinakaharap ng OFWs.
Siyempre, umaasa si Imee na kagyat na bigyan ng pansin ni Pang. Rodrigo Duterte ang usaping ito. nito sa BFP ng lungsod.
Binigyan ni Requina ng miniature firetruck si Malapitan bilang pagkilala sa alkalde.
Siyempre, nasiyahan ang alkalde na buo ang suporta nito sa BFP. BADILLA NGAYON/NELSON BADILLA
