MULI nating silipin ang patuloy na ginagawa nating pagbabantay sa kapakanan ng mga menor-de-edad na patuloy na kinakaladkad ng mga club owner sa putikan para magkamal lamang ng pera.
Kaya (ika nga ni Mike Enriquez) hindi natin tatantanan ang mga ‘yan bara owner na ‘yan hanggang hindi naglulubay sa kanilang mga makamundong negosyo!
Basahin ang nilalaman ng follow-up report sa San Leonardo, NE:
Idol, good morning. Tila nagpapanik na ‘yung mga may-ari ng mga demonyong resto bar dito sa San Leonardo, Nueva Ecija sa pagkakabanat ninyo muli batay sa aming mga karaingan tungkol sa kalaswaang ginagawa ng mga bar owner sa mga menor-de-edad na kinakakaladkad nila sa putikan.
Nabalitaan kasi namin idol na lalakarin daw nila sa mga humahawak sa kanila para hindi sila maipasara na nangangahulugan na talagang may mga suhol silang ibinibigay mula sa mga pulis at politiko.
Maraming salamat, idol, dahil sa muli mong pagpapasabog sa mga walang kunsensya sa mga kababaihang “minor.”
Ginagamit lang nila ang mga menor-de-edad para magkamal ng pera kahit na nakakaladkad sa mga putikan ang mga kababaihan na biktima lamang ng kanilang kahirapan.
Sana, idol, ay karmahin ang mga club owner at kung maaari, mapanagot sila sa sinapit ng mga kabataang babae na kadalasan ay pina-aarbor pa sa mga pulis at tine-take-out at sa Police Station pa raw sila ginagamit ng mga hayok sa laman na pulis sa nasabing bayan.
Salamat, idol. Kung anoman ang kahihinatnan ng ibinulgar mo ay ite-text namin sa iyo o kaya ay araw-araw naming ipa-survey sa mga impormer natin ang makamundong gawain ng mga bar resto sa San Leonardo, Nueva Ecija.
PUWESTO PIJO NA PASUGALAN NI ONJIE
Kahit na mahigpit na ipinagbabawal ang iligal na pasugalan ay pader pa rin ang pwesto pijo na pasaklaan ni Ongie sa bayan ng Indang sa lalawigan ng Cavite dahil sa pinoproteksyunan daw ng mga pulis rito.
Alam kaya ito ni Cavite Provincial Director Supt.Arthur Bisnar? Hindiii.
oOo
Anomang puna o reklamo i-text lamang sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA