TINALAKAY kamakailan sa Senado ang kumakalat na mga “fake news” sa iba’t ibang media entities, lalong-lalo na sa mga social media na kadalasang ang nakababasa ay isa sa mga pinagmumulan din ng pagkalat ng pekeng balita.
Ano nga ba ‘yung mga “fake news”?
Ang “fake news” po ay ‘yung mga balitang hindi totoo o mga balita na inisip lang o inimbento ng mga tarantadong nasa likod nito upang gamitin sa dalawang bagay: ang pagpapapogi at pagpapapangit.
Ano-ano nga ba ang mga maituturing natin na “fake news”?
Isa sa mga “fake news” ang pagpapakalat ng mga maling impormasyon na kalimitan ay ginagamit ng mga survey company sa pagbibigay ng maling survey o mga totoong numero ng bawat statistical record upang kondisyunin ang utak ng tao sa kanilang mga fake news.
Masasabi rin natin na isang “fake news” ang isang balita ng isang indibidwal na ibinase lamang niya sa pinagkunan niyang tao na wala namang kaalaman sa ibinabalita niya.
Fake News din na masasabi ang isang balita na pinalalaki na kung tawagin namin sa media ay sinasalsal o ini-S..S..S.
Dahil sa kasasalsal ay lumalaki ang balita at nawawala na sa direksyon ng ibinabalita.
Maging ‘yung paglalagay ng litrato ng mga politiko sa iba’t ibang gawa ng blogger sa mga social media ay maituturing din natin na isang “fake News” dahil sa wala namang idea kung ano ‘yung pinatutungkulan ng litrato bagama’t ito ay isang pag-atake sa isang indibidwal.
Tama lang ang panawagan ng Catholic Bishops’ Conference of the Philippines na turuang mabuti ng mga guro ang mga estudyante ng mga tamang pagsusuri kung ano ang mga pekeng balita na kumakalat ngayon.
REGION-3, IPINANGHIHINGI SI GEN. OBUSAN
Hanggang ngayon ay patuloy raw na ipinangongolekta ng lingguhang payola ng Regional Office ng CIDG-Region 3 ang Criminal Investigation and Detection Group (CIDG) sa lahat ng mga illegal gambling sa nasabing rehiyon.
Isang alyas Ryan Adarna na may inisyal na I.A. at sidekick na si alyas Abdul ang siyang mga umiikot at nanghihingi ng payola sa mga iligalista sa Region-3 gamit ang pangalan ni CIDG Director Gen. Roel Obusan.
oOo
Anomang puna o reklamo i-text sa 09189274764, 09266719269 o i-email sa juandesabog@yahoo.com. JUAN DE SABOG/JOHNNY MAGALONA
