KAMAKAILAN, idinagdag ng Pag-IBIG Fund ang Rusty Lopez Footware sa listahan ng kanilang partners sa programang Pag-IBIG Loyalty Card.
Nilagdaan nina Pag-IBIG Deputy Chief Executive Officer (CEO) for Member Services Cluster Alexander Hilario G. Aguilar at Rusty Lopez Marketing Manager, Imelda T. Perez ang kasunduan o Memorandum of Agreement (MOA) na siyang hudyat na ang lahat ng holders ng
nasabing card ay maaring makakuha ng diskwento mula sa naturang shoes store.
Ang 118 boutiques nito sa boung Pilipinas ay magbibigay ng 10% diskwento kung makabibili ng halagang PHP 1,000 at 20% naman kung makabibili ng halagang PHP 3,000.
“Ang programang Loyalty Card ay inisyatibo ng Pag-IBIG Fund upang iugnay ang Fund sa 17.55 milyon nitong miyembro. Naka-linya ito sa nais ni Pangulong Rodrigo Roa Duterte at Housing and Urban Development Coordinating Council (HUDCC) Chairperson Eduardo D.
del Rosario na palawigin ang benipisyo ng mga Pilipino. Sa pamamagitan ng pamumuno ng aming CEO, Acmad Rizaldy P. Moti’s, ang Pag-IBIG Fund ay mayroon ng 205 Loyalty Card Partners,” pahayag ni Aguilar.
-ooOoo-
BOC BINIYAYAAN NG SEAPORT INTERDICTION TRAINING AT PERSONAL RADIATION DETECTORS NG AMERIKA
Isang International Seaport Interdiction Training (ISIT) ang ipinagkaloob ng U.S. Export Control and Related Border Security Program (EXBS), sa pakikipagtulungan ng U.S. Customs and Border Protection (CBP) sa 21 opisyal ng Philippine Bureau of Customs (BOC) noong ika-4 hanggang 8 ng Disyembre sa lungsod ng Maynila.
Nakatuon ang pagsasanay sa epektibong paggamit ng cargo scanning sa pamamagitan ng multilayered targeting stratergy, kabilang dito ang advanced data collection, automated targeting systems, at detection technologies, gayundin ang operational exercise.
Bago sumabak sa mga field exercises, tatlong araw na classroom instructions ang ipinagkaloob sa mga estudyante na naka-pokus naman sa paggamit ng non-intrusive inspections equipment.
Kasabay ng opening ceremony na dinaluhan ni BOC Commissioner Isidro Lapeña ang pagkakaloob ng EXBS sa BOC ng 20 personal radiation detectors na nagkakahalaga ng halos Php 1.5-milyon. Makatutulong ito upang mas maayos na masuri ang nuclear and
radioactive materials.
Nauna nang sinanay ng EXBS ang mga opisyal ng BOC sa Port of Charleston, South Carolina noong Hunyo 2017. At nakalatag pang sanayin ang nasabing komisyon sa advanced data collection at suportahan ang nalalapit na implementasyon ng automated targeting system. HILDA ONG
