NAKAPANAYAM ng inyong lingkod ang Vice President ng Public Affairs and Special Events Division, si Marissu “Susie” Bugante ang naging espesyal na panauhin ng programa “HEALTH & TRAVEL @ SERBISYO PUBLIKO” sa DWBL 1242kHz at DWSS 1494kHz.
Ang AlkanSSSya Program ay hinango mula sa konsepto ng piggy bank, at ito ay animo malaking cabinet na may ligtas na indibidwal na lalagyan na kung saan ang mga miyembro ay makapaglalagay ng kanilang mga ipon na siya nilang monthly contribution sa SSS. Ang bawat AlkanSSSya unit ay maaaring makapag-imbak sa kanilang SSS savings ng hanggang 160 na kaanib.
Ang AlkanSSSya members ay maaaring makapag-contribute ng minimum na halagang 312.00 bawat buwan, na halos 10.00 lamang bawat araw. Ayon kay SSS President and Chief Executive Officer Emilio de Quiros, Jr. “Kami ay taos pusong nagpapasalamat sa patuloy na su-porta ng mga informal sector workers sa buong kapuluan sapagkat ang pag-iipon para sa ating mga worker ay mas pinagaan ng SSS dahil sa programa niyang ito”.
Dahil sa pagkakalunsad ng AlkanSSSya program iba’t ibang pinuno at kinatawan ng mga ahensya ang nakiisa rito. Daan-daang garbage pickers mula sa Payatas dumpsite ang umanib sa AlkanSSSya program noong nakaraang Disyembre 3, 2012 bilang resulta sa kapareho ring meeting, na dinaluhan din ni Col. Jameel RM Jaymalin, Director ng Payatas Poverty Alleviation Foundation Inc. (PPAFI).
Ayon pa kay CEO de Qui-ros “Kami ay nagpapasalamat sa Quezon City government sa kanilang suporta sa AlkanSSSya program. Umaa-sa kami na ang AlkanSSSya program ay tatanggapin at tutularan din ng iba pang prisons at correctional facilities sa buong bansa upang makapagbigay ng pag-asa sa buhay ng inmates maging sa mga babae at mga lalaki man.”
