WALANG-SILBI itong Philippine Ambassador to New Zealand na nagngangalang Gary Domingo na walang inatupag kundi pamumulitika.
Palibhasa, isang dilawan na hinirang ni dating-Pangulong Noynoy Aquino bilang Ambassador to New Zealand, itong si Domingo ay muhing-muhi kay Pangulong Rodrigo Duterte.
Mahigit 50,000 ang OFWs sa naturang bansa at tahasan kong sasabihin na 99 porsyento ay supporter ni Manong Digong maliban sa ungas na si Ambassador Domingo.
Bagaman iginagalang natin anuman ang politika ninuman, ang masama ay pinapahirapan at hinahadlangan nitong Domingo ang mga oportunidad ng mga Pilipino na makapaghanap-buhay sa naturang bansa.
Ayon mismo sa mga grupo ng mga overseas Filipino workers (OFWs) kabilang na si ACTS-OFW Partylist Rep. John Bertiz, may kalokohan nga itong ambassador na ito.
Ang sabi rin ni Bien Tabo ng Cornell Education Group ay misinformed itong si Domingo ukol sa programa ng New Zealand na manghikayat ng mga kabataang estudyante na magsanay para makapagtrabaho sa New Zealand.
Kinikilala sa buong mundo ang primary at secondary educational system ng New Zealand.
Kung gustong bigyan ng New Zealand ang mga kabataang Pilipino ng oportunidad ng magandang kinabukasan, bakit kokontrahin ng Ambassador Domingo na ito?
Ano ang katwiran na maibibigay ng kumag na ito sa pagsasabotahe sa magandang relasyon ng Pilipinas at New Zealand kundi siya ay dilawan at nagtatraydor sa kasalukuyang pamahalaan?
Malinaw pa sa sikat ng araw na salot ang Domingo na ito at dapat lamang na sibakin sa pwesto na kanyang ginagamit sa pamumulitika.
***
Matutunghayan ang inyong lingkod 10AM-11AM sa Radyo Pilipinas, 738AM band Lunes-Biyernes. Mapapanood ang din ang programa sa aking Facebook sa Erwin Tulfo Live @erwintulforeal. Welcome po ang inyong mga reaksiyon, opinyon at reklamo. Ipadala sa etulfo2011@yahoo.com o bisitahin nyo kami sa ERWIN TULFO CENTER For Media and Public Service, Room 303 Castro Bldg., #58 Timog Avenue, Quezon City (taas ng PSBank). DEADSHOT/ERWIN TULFO