PCSUPT. GUILLERMO A. ELEAZAR seems to have transferred QCPD to REGION 4A. Araw-araw ay huli day ng mga pulis Calabarzon laban sa mga iligalista sa droga, kidnapper for ransom, rape, hold-up, budol-budol. Name it, they have all of it.
Sorry po kung naikumpara ko siya noong nakaupo pa siya sa QCPD bilang District Director ngayong Regional Director na siya sa Region 4A.
Same simple management. Trust your people and motivate them to work harder for the Filipino people – SERVE and PROTECT!
Ngayon lang natin nakita ang pagiging hyperactive ng mga pulis Calabarzon. Pati ‘yung mga dating lugar na hindi napapasok ng mga pulis dahil alam na delikado at maraming siga, nabulatlat na at hindi biro ang nahuhuling kriminal.
Maski ang kanyang seniors at underclass sa PMA 1987 ay hanga sa estratehiya ng “KA GUILLOR”. Para sa kanyang sariling pagsukat sa sarili, “trust your men and let them feel it” ay nagbibigay ng dagdag-sipag at inisyatibo sa kanyang mga tauhan.
Hindi biro ang Calabarzon o PNP Region 4A. Nandiyan lahat ang bisyo at ang iligal na droga ay riyan halos lahat noon niluluto. Maraming uri ng grupong kriminal – cargo hijackers, kidnappers-for-ransom, killers for hire, carnappers, at taguan din ng mga may kaso ng pagpatay ng tao.
Pamoso rin ang Calabarzon na lugar ng mga gambling lord, di ba Kuyang Non Alquitran?
Kung noon ay tahimik ang rehiyon na tila walang nangyayaring iligal, ngayon, sa liderato ni General Eleazar, nabulabog niya ang tirahan ng mga ulupong! Kumbaga, nahataw ang bahay-bubuyog kaya hayun, nag-aalisan na sila sa kanilang mga lungga.
Sana nga ay lubusan nang malinis ni General Guillor ang Calabarzon at maging maganda ang buong, rehiyon lalo na sa mga kabataan. Pero alam din naman natin ang mga lord ng mga bisyo, gagawin nilang lahat ang paraan para huwag silang masagasaan.
Ganyan din sana ang gawin ng lahat ng regional commander. Magtulong-tulong kayo na makamit ang tunay na kapayapaan sa buong bansa. Kayo ang aming inaasahan na mag-aalaga at magbibigay ng proteksyon sa amin.
Totohanin ninyo ang SERVE & PROTECT sa mamamayan. Gawin ang ginagawa ng PNP Region 4A at QCPD. They rock!
