GINAWARAN ng pagkilala ng Department of Labor and Employment – Bureau of Working Conditions (DOLE-BWC) ang Manila Water dahil sa nakamit nitong pambihirang ”10 Million Safe Man-Hours without Lost Time Accident”.
Ayon sa pahayag ni DOLE-BWC OIC Director Catherine Legados-Parado, ito ay patunay kung gaano pinahahalagahan ng Manila Water ang kaligtasan at kapakanan ng bawat empleyado sa pagkakaroon ng maayos at ligtas na opisina.
Siniguro naman ni Manila Water Operations Group Director Geodino Carpio na ang pagbibigay-halaga sa kaligtasan ay bahagi na ng bawat aktibidad sa pagpapatakbo ng kompanya.
“Ang parangal na ito ay nagpapatunay lamang ng malaking pagpapahalaga na binibigay ng Manila Water upang siguruhin ang kaligtasan ng bawat empleyado, mga service provider pati na rin ang mga pamayanan na aming sineserbisyuhan habang isinasagawa namin ang iba’t ibang proyekto sa aming nasasakupan ng silangang bahagi ng konsesyunaryo,” paliwanag ni Carpio.
Ang “Safety Milestone Recognition” ay isang parangal na iginagawad ng DOLE-BWC sa mga kompanyang nagkamit ng pambihirang safety performance tulad ng di pagkakaroon ng aksidente habang isinasagawa ang mga proyekto nito.
oOo
KAHALAGAHAN NG MARAMING TUBIG
Ang pangunahing dahilan ng pagkapagod at panghihina ay ang dehydration. Ang tamang hydration ay nakatutulong upang mamantina ang malinaw na pag-iisip at mabuting konsentrasyon.
Ang paggamit ng sapat na tubig ay nagha-hydrate ng balat. Inaalis ang anyo ng mga kulubot, at nag-aalis ng toxins o dumi sa katawan
Ang pananatiling hydrated ay nagbibigay kasiguruhan na ang mga organ sa loob ng katawan ay maayos na nagpa-function. Nagdaragdag ito ng metabolism, upang masunog ang mas maraming taba sa katawan.
Ang tubig ay walang calories nire-regulate rin ng tubig ang temperature ng ating katawan, nililinis ang dumi at nagsasanggalang sa ating kasu-kasuan at organs.
The post KALIGTASAN AT KAPAKANAN NG BAWAT EMPLEYADO appeared first on Remate.
