SINUSPINDE ng Social Security System (SSS) ang implementas-yon ng kanilang guidelines para sa voluntary contribution ng 65 taong gulang pataas na may kulang o hindi umabot sa required P120 monthly contributions na ipinatutupad ng SSS upang sila’y ma-qualify sa retirement pensions program. Mag re-evaluate at rebi-sahin ang mga proseso at mga tuntuning ipinalabas ng kagawaran noong April 2013.
Ipinaliwanag ni SSS Vice-Pre-sident Agnes San Jose na ang intensyong nakasaad sa panuntunan (guidelines) ay upang maprotektahan ang pondo ng kagawaran, gayundin na masiguro ang tamang paraan at karampatang pagbabayad ng mga benepisyo na dapat lamang mapasakamay ng mga kaanib.
oOo
INILABAS ng National Food Authority (NFA) ang Well-Milled Rice matapos maulat na nagkukulang ang suplay ng bigas sa ilang pamilihan sa Metro Manila.
Ang nasabing well-milled rice ay pantapat ng NFA sa nagmahal at pagtataas ng commercial rice sa mga palengke.
Ikinalat ng mga opisyal ng NFA ang nasabing bigas sa Commonwealth Market sa Quezon City, isa sa palengkeng pinakamarami ang mamimili sa buong Metro Manila.
Ayon kay NFA Deputy Administrator Vic Jarina, unti-unti nilang aalisin sa mga palengke ang commercial rice na dapat ay P31 hanggang P32 lamang ang presyo kada kilo.
Hindi totoong may shortage sa bigas dahil sapat ang stock ng NFA at hindi rin umano kailangang umangkat ng bigas dahil wala namang kakulangang pupunuan.
Posible umanong gawa-gawa lamang ito ng mga rice miller upang pataasan ang kanilang presyo.
Ang mga bagong giling na bigas ng NFA na mabibili sa P32 kada kilo, kapareho ng presyo ng pinakamurang commercial rice.
Bukod sa Commonwealth Market maglalagay rin ang NFA well-milled rice sa Muñoz Market, Pritil Market sa Tondo, Trabaho Market sa Paco at Dagonoy Market.
The post SSS VOLUNTARY CONTRIBUTIONS, SINUSPINDE! WELL-MILLED RICE ANG ITINAPAT NG NFA appeared first on Remate.
