AT naging isyu pa kung papupuntahin ba o hindi si Janet Lim-Napoles sa imbestigasyon sa Senado.
Naghahanapan ng ligal na mga basehan kung sino ang susundin — ang pagpapatawag ba ng Senado kay Napoles o ang batas daw ng Ombudsman na hindi na pwedeng interbyuhin ang witness dahil may kaso ito.
Hindi tuloy napigilan ang pagpapakita ni Senator TG Guingona ng matinding pagkairita sa paliwanag ng Department of Justice tungkol sa hindi pagsipot ni Napoles noong isang araw sa Senado.
Kampi tayo kay TG Guingona. Tama siya.
Maraming tanong ang mga Senador kay Napoles, at kung saan-saan na rin naman nagbigay ng pahayag si Napoles, bakit hindi niya gawin sa Senado sa harap ng ilan sa mga personalidad na nasira na rin naman ng iskandalo na sinimulan ng akusado.
Galit ang tao.
Inip na sila sa solusyon o kalinawan man lang ng isyu na ito na kinasangkutan ng ilan sa mga pinakamalalaking pangalan sa mundo ng pulitika.
Bakit nga hindi pilitin si Napoles na magkwento na ng lahat ng kanyang nalalaman?
Tutal naman hindi na rin siguro mag-aagawan ang mga politiko na magpa-picture sa kanya.
Kanya-kanya na ng iwas.
Kanya-kanya nang deny na kilala siya o minsan ay naging malapit ang mga ito sa kanya.
Wala na bang kaibigan si Napoles mula sa mga matataas na pwesto sa pamahalaan?
So wala na syang pangingimian, pwede na siguro siya magkwento, magkwento nang magkwento.
Marami rin nagsasabi na over-acting daw ang pag-secure kay Napoles.
Kanino siya nagtatago o natatakot?
Sigurado ako na kung ang mga tao ang tatanungin, walang may gusto na mapahamak siya dahil excited ang lahat sa mga pwede niyang ikwento.
Kaya tama lang na mapikon si Senator Guingona sa ‘di pagsipot ng witness.
Ang daming tanong ni Guingona, ang daming tanong ng mga senador, ang daming tanong ng taumbayan.
You cannot avoid the inevitable, darating at darating tayo sa punto na kailangan din magkwento ni Ms. Napoles.
Ang tanong ay kung kailan.
The post DARATING AT DARATING DOON appeared first on Remate.
