LIHIS muna tayo ng isyu sa Metro Manila. Nakabubwisit kasi ang magkasunod na pananakot ng China sa atin.
Binomba ng tubig ang mga mangingisda natin sa Bajo de Masinloc at hinagad ang dalawang barko na maghahatid ng gamit sa mga sundalo natin sa Ayungin Shoal.
Mr. President Noynoy Aquino, baka gusto mo nang kumilos ayon sa postura mo bilang lider ng mga Filipino at Republika ng Pilipinas? Nakaiirita na. Marami na kayong pahayag sa relasyong GRP at China pero hanggang ngayon ay wala kayong kongkretong desisyon at tamang aksyon para lutasin ang lumalalang pag-angkin ng China sa ating teritoryo.
Ikaw kasi, eh. Hindi naman dating ganyan ang mga Intsik sa atin. Kung hindi mo pinasampahan ng mala-Gestapo ang barkong pangisda nila noon, hindi sana ganyan ang kalagayan ng mga mangingisda natin ngayon. Pero tapos na iyan. Tamang solusyon na lang –DIPLOMASYA!
Ipatawag mo ang mga Taipan. Taal silang Tsino na taga-China. Nandoon na nga ang pera nila na pera natin mula sa tinubo nila sa mga ordinaryong mamimili sa kanilang malls, supermarkets, groceries at Divisoria!
Kaya nilang kausapin ang liderato ng China, lalo na ngayon na malaki ang problema nila sa ekonomiya. Very soon, sasabog ang lobo ng kanilang biglang yaman dahil na rin sa pagtalikod ng ilang negosyanteng dayuhan doon. Alam mo iyan, G. Aquino.
Go and have a state visit with the Chinese government. I am pretty sure na hindi sila demonyo para hindi ka harapin nang maayos. With the Taipans and your senior foreign diplomats, tiyak na makikinig sila sa inyo.
Isa pa, itigil na ninyo ang inyong sampalataya sa gobyernong Amerika. Itigil na ang paulit-ulit na “tutulungan, kakampihan tayo ng Amerika sa oras ng kagipitan o kolonisasyon ng dayong bansa.” Hindi totoo iyan, Noynoy.
Traydor ang gobyernong Kano. Basahin mo ang kasaysayan ng Pilipinas sa relasyong Amerika. Ginawa nila tayong uto-uto at kasangkapan sa kanilang pagkaganid. Bakit nga ba tayo sinakop ng Japan noon?
Hindi biro ang nangyayari ngayon. Naniniwala ako na kayang lutasin ng DIPLOMASYA ang problema ng China.
Lalo lang nagagalit ang China tuwing nagpapahayag kayo na tutulungan tayo ng Amerika tapos magyayabang sila ng barkong de-giyera sa ating dagat. We are being bullied and muscled by China. You alone can resolve it the right way– DIPLOMACY, Mr. Aquino!
The post MUSCLED CHINA appeared first on Remate.
