HALOS buong kinabukasan ni Congressman Manny Pacquiao ang nakasalalay sa magiging resulta ng laban niya kay Timothy Bradley ngayong araw.
Ito ang nakataya sa Pambansang Kamao sa rematch nila ni Bradley dahil maging ang kabuhayan nito at pangarap sa pulitika ay magbabase sa resulta ng laban nito sa Las Vegas.
Maging ang malaking bahagi ng ibabayad ni Pacman sa malaking pagkakautang niya sa buwis sa Bureau of Internal Revenue ay nakasalalay sa darating na laban kaya lahat ay nakatunghay sa kahihinatnan ng sinasabing biggest fight sa buhay ng Pambansang Kamao dahil marami na rin ang nakapapansin na humihina na ito.
Kahit ang pangarap nito sa pulitika, katulad ng pagkasenador nito sa line-up ni Vice President Jojo Binay ay nakasalalay rin sa labang darating kaya’t dapat niyang pagbutihan ito.
Syempre, kapag convincing ang magiging panalo ni Pacman, babango siyang muli sa mga Pinoy, pero, kapag tinalo siya nang bugbog-sarado ay tiyak na babagsak lalo ang kanyang karerang pulitikal sa bansa.
Maging ang patol niya sa mga heavyweight ng lipunan ay nakabase rin sa kanyang tagumpay kaya masasabi na natin na posibleng ito ang laban sa buhay ni Pacman.
Sa maikling salita, last pag-asa na ito ni Pacman para makabangon, hindi lamang sa daigdig ng boxing kundi sa pangkalahatang aspeto ng kanyang buhay dahil dito siya huhusgahan ng tadhana.
Maikli na ang panahon para sa Pambansang Kamao kaya dapat niyang ituon ang kanyang buong lakas sa laban kay Bradley dahil kinabukasan niya bilang tao at politiko ang tiyak na maglalaho kapag bumigay pa siya sa labang ito.
Panahon ang kalaban ngayon ni Pacman kaya’t todo-lakas ang dapat niyang ibuhos dito dahil marami ang nagsasabing palaos na ang ating Pambansang Kamao.
The post PACMAN LALABAN NG HUSTO appeared first on Remate.
