MATAPOS ang labanang Timothy Bradley at Manny Pacquiao nitong nakaraang Linggo ay masasabi nating hindi nanalo ang ating Pambansang Kamao.
Ito ay ating sinasabi dahil bagama’t nagwagi si Pacman laban kay Bradley ay mistulang talo pa rin ang asawa ni Jingky dahil sa laki ng babayarang buwis nito sa BIR na umabot na raw sa P2.56 bilyon.
Perang napakalaki lalo’t dugo’t pawis ang ipinuhunan dito ng anak ni Mommy Dionisia dahil mahigit sa kalahati ng kanyang kinita buhat sa pagbo-boxing ay mapupunta lamang sa pagbabayad ng buwis.
Ang mabigat pa nito, mistulang walang option si Pacquiao na mabawasan ito dahil malinaw sa pahayag ni Kim Henares ng BIR, na kailangang itong bayaran ni Pacman sa ayaw man nito’t sa gusto.
Maging ang IRS o ang ahensyang taga-kolekta ng buwis ng US ay hinahabol na rin si Pacman at iyan ay tiyak na nag-ugat rin sa kontrobersiyang kinasangkutan ng ating pambatong boksingero hinggil sa paghahabol dito ni Kim Henares.
Sa maikling salita, walang choice si Pacman kung hindi mag-pay ng tax at magpatuloy sa paglaban sa ring kahit ayaw na nina Jingky at Dionisia dahil wala siyang perang sobra para sa kinabukasan ng kanyang pamilya at maging ng mga taong umaasa sa kanya.
Ngayon ay nakikita nating sising alipin ang pamilya Pacquiao sa nangyari dahil tiyak na may nanloko kay Pacman sa usaping ng pagbabawas ng buwis dahil hindi naman lingid sa lahat ng palagiang sinasabi ng Pambansang Kamao na ang sabi sa kanya ni Bob Arum, na bayad siya ng tax sa Tate kung kaya’t wala siyang dapat bayaran na buwis sa ‘Pinas.
The post TALO SI PACQUIAO! appeared first on Remate.
