MGA ganitong tao dapat ang mga naluluklok sa ating pamahalaan.
Mga tapat sa bayan, may adbokasiya at malasakit, may kakaibang adhikain na magpapalakas at magpapaunlad ng ating bayan.
Ganyan ang bagong itinalaga na Director General ng Philippine Information Agency o PIA na si Jose Mari Oquinena.
Undersecretary for Special Concerns si Oquinena ng Presidential Communications Operations Office (PCOO) ni Secretary Sonny Coloma.
Siya ay tubong Bacolod at nagtapos sa University of Negros Occidental at Asian Institute of Management.
Napakahusay mag-talk nitong si Brother Mari.
Parang kabilang sa mga speaker namin sa Couples For Christ.
Kaya naman pala, walong taon siyang full time missionary ng CFC Youth For Christ at pitong taon siyang Operations Head ng Gawad Kalinga.
Kaya’t napaka-refreshing at inspiring na marinig siya nang pulungin niya kaming mga opisyal at miyembro ng Association of Information Officers in Metro Manila o (AIMM) sa Philippine Information Agency (PIA) sa Visayas Avenue, Quezon City.
Nakatutuwa at nakaeengganyo dahil ang vision niya para sa PIA ay malapit sa aking puso – he envisions the spirit of Bayanihan becoming the pervading culture in the country.
In embracing the task of communicating the central message that every Filipino is a born hero and a nation-builder, Bro. Mari is zealously confident that the advancement of the Filipino race can only be achieved through collective action.
Love of country, volunteerism, at pagtataguyod ng mga advocacies. Marahil, marami rin sa inyo ay isinasabuhay din ang mga ganitong adhikain.
Umalis ako sa Philippine Convention and Visitors Corporation (marketing arm ng Department of Tourism) nung 1991 para idevelop ang aking konsepto na telemagazine format advocating “pride in being Filipino.” Ang programang ito ay nanalo ng Gawad CCP, Catholic Mass Media Awards (CMMA), at Star Awards four years in a row.
Itinayo rin namin ni Danny Javier ng Apo Hiking Society ang Pidro Shirts nung 1991 bilang isa pang medium para ipangalandakan ang “pride in being Filipino.”
Nung susunod na taon naman ay binuo ko ang “Mga Bayani ng Marikina” concept na nagustuhan nila Sen. Nene Pimentel at Mayor Bayani Fernando dahil mekanismo ito para makapagsilbi ang mga residente ng Marikina sa kanilang bayan.
Para kay dating Tourism Secretary Ace Durano naman ay binuo ko ang konseptong “Turimo Mismo” na kanyang inilunsad nung 2007 hanggang 2010. Ang Turismo Mismo ay isang advocacy campaign on sustainable tourism kung saan ang mga dating destroyers ang siyang maging protectors ng ating tourist attractions.
Tulad ni Dir. General Oquinena, marami sa atin ang naniniwala sa kakayanan ng Pilipino. Kaya’t laking tuwa ko ng marinig ko ang kanyang mga binabalak para sa kanyang ahensya.
Sabi ni Oquinena, “Information officers should go beyond information and inspire other people.” Akmang-akma ito sa mission statement ng AIMM at Marikina PIO na “Touching lives through information.”
Brother Mari, tinatanggap namin ang inyong challenge to use information to inspire people towards making nation-building a way of life.
Simulan na ninyo ang sinasabi nyong transformation ng PIA sa pagiging Philippine Inspiration Agency. Andito ang AIMM para suportahan kayo!
