TIYAK na magkakanya-kanya na ang mga kandidatong senador ng United Nationalist Alliance o UNA.
Ito ay matapos na 3 la-mang sa kandidato nito ang pumasok sa SWS survey na ginawa noong kalagitnaan ng Agosto.
Kabilang sa mga pumasok sa top 12 sa UNA ay sina Rep. JV Ejercito, Nancy Binay at Migs Zubiri.
Sa tatlong nabanggit, sina JV at Nancy ay pawang nakabase sa popularidad ng kanilang mga ama habang si Zubiri naman ay palaging nasa bingit ng alanganin.
Kung ating papansinin, ang resulta ng naturang survey ay nagpapahiwatig lamang na hindi na ganoon kalakas ang tatlong alas ng UNA na sina dating Pangulong Erap, VP Jojo Binay at Senate President Juan Ponce Enrile.
Malinaw na ang simpatiya ng publiko ay nasa Team PNoy na, kung saan tanging si Pangulong Noynoy Aquino lamang ang tanging nagdadala ng bandera.
Malinaw rin na epektibo ang “tuwid na daan” ng Pangulo dahil ito ang nag-angat sa kanyang mga kandidato sa Team PNoy na kung saan siyam dito ang pumasok sa SWS survey.
Biggest loser sa naturang survey ang anak ni Enrile na si Jackie, na halatang nadamay sa MOOE issue sa Senado.
Kaya’t bilang beteranong politiko ay tiyak na gagawa ng paraan ang mga hari ng Cagayan na huwag tuluyang matalo ang kanilang pambatong mambabatas sa Senado.
Bukod kina Enrile, nariyan din ang pangalan nina dating Senador Dick Gordon, Ernesto Maceda, Rep. Mitos Magsaysay at dating Gobernadora Tingting Cojuangco.
Tiyak na hindi papayag ang mga beteranong politikong ito na matalo kaya’t siguradong magkakanya-kanya na ang UNA at ang pag-iiwanan ng mga UNA candidate ay magaganap ngayong unang bugso pa lamang ng kampanyahan.
Dito angat ang Team PNoy at iyan ang magpapanalo sa kanilang lahat dahil malinaw ang bilin ng Pangulo na walang maiiwan sa daang matuwid na kung saan taumbayan ang panalo.
