TAMA ang sabi ni Armed Forces Chief Gen. Gregorio Catapang. Ito na ang panahon ng pag-angkin ng China sa buong Pilipinas.
Ang mga mamamayang Filipino ay matagal nang nagpahayag ng ganitong pangamba ngunit mas nanahimik si Pangulong Noynoy sa issue ng agawan ng mga isla sa Spratlys sa West Philippine Sea.
Ang tanging nagawa ng ating Pangulo ay magsampa kamakailan ng isang protesta sa United Nations na agad namang binara ng China na may veto power sa UN katulad ng Russia at America.
Nais ng Pangulo na ayusin ang sigalot sa diplomasya pero ang sagot ng China ay pag-angkin ng mga isla sa West Philippine Sea, katulad ng Mischief Reef at Ayungin Shoal.
Kailangan nating pahintuin na ang reclamation ng China dahil delikado na ma-occupy na tayo ng China sa marami pang bahagi ng Pillipinas, ang pangamba ni Catapang.
Maliban kay Gen. Catapang, walang opisyal ng pamahalaan na naglakas ng loob na kastiguhin ang China.
Mapanganib ang hakbang ng China dahil mawawala ang depensa natin sa mga isla na ito na nasa bunganga lamang ng Pangasinan, Zambales at Palawan.
“The reclamation will threaten all our defenses and this is the issue we are trying to address,” sabi ni Catapang.
Nababahala rin ang mga bansa na sumasakop sa South China Sea.
“We are really amazed at the pace China is reclaiming the area.
“It’s fast. We are really in a very difficult situation,” dagdag ni Catapang.
“It’s fast but I hope it’s not furious.
“We feel ourselves in a very difficult situation,” ayon kay Catapang.
Feel na feel ng China na kanila ang West Philippine Sea. Kinakanyon nila ang mga Pinoy na mangingisda sa lugar na ‘yan.
Baka isang araw ay hindi lamang water cannon ang pasabugin nila kundi mga kanyong panggiyera na laban sa atin. DEEP FRIED/RAUL VALINO
